TENG MAN, DINGHPRING AI LAM GAW TSAWRA MYIT KABA RA KADAWN NGA AI
15 February shani na Angelus mungga hta, Wa Sarabyin Leo gaw, “Yesu gaw Karai Kasang a Mungdan ningnan de shang na matu anhte hpe saw shaga ai lam” hpe sang lang dan ai. Dai ni na Kabu Gara Shiga hta, Yesu gaw, Kabu Gara Shiga hpe hkaw tsun ngut ai hpang, “Karai Kasang hte hpunau nauna ni hte tsawra myit hte kanawn mazum na matu” anhte hpe shaga la ai, Mawshe a Tara hta lawm ai tara ni a teng man ai lachyum hpe hpaw shadan dan ai, bai tsun dan ai hpe mu lu ai. dai majaw Yesu gaw Tara hpe yeng seng kau na matu n re ai sha, dai hpe shadik shatup na matu du sa ai ngu tsun ai.
“Tara gaw tsawra myit hte hkrak sha hpring tsup wa nna, dai gaw shi a sung htum ai lachyum hte jahtum na yaw shada lam hpe hkum tsup hkra galaw ya ai.”
Wa Sarabyin tsun ai hta dinghpring ai lam gaw hkang da ai ga ni hpe hkan sa ai sha n-ga, “masin salum hpe hpaw ya nna tsawra myit hpe shadut ya ai” ngu ai hpe ahkyak shatai tsun shaleng dan ai. Dai hpang Yesu gaw, tengman ai mabyin masa ni hpe tsun ai, Tara hta lawm ai tara nkau mi hpe sawk sagawn nna, tara shang nawku htung a dinghpring ai lam hte Karai Kasang a Mungdan a dinghpring ai lam lapran na shai hkat ai lam hpe madun dan ai. Ndai lam gaw, Mawshe hte myihtoi ni hpe jaw ai Tara gaw Karai Kasang hte anhte a matu Shi a masing hte labau hpe chye na lu na matu lam langai mi re ai hpe madun dan nga ai, nga nna Wa Sarabyin Leo sang lang dan ai.
“Karai Kasang shi nan, Yesu a hkum hkrang hku nna, anhte a lapran de du sa nna, Tara hpe shadik shatup ya ai, Kawa a kashu kasha ni anhte tai wa ai hte, shi hte kashu kasha ni zawn, anhte a lapran hpunau nauna ni zawn, kanawn mazum lam de shang lu na chyeju jaw ya ai…Yesu anhte hpe sharin ya ai gaw, tengman ai dinghpring ai lam gaw, tsawra myit hpe chye na na matu, Tara hpe sharin la na matu rai nga ai.”
Dai hpang Wa Sarabyin gaw, kaji ai dinghpring ai lam gaw n law nga ai, “tsawra myit kaba ra ai” ngu ai hpe madun dan ai. Yesu jaw ai ga shadawn ni hpe bai myit dum let, dai gaw Karai Kasang a n-gun atsam a majaw byin wa lu ai. Nu Maria “anhte a matu, “Karai Kasang a Mungdan hpe grau chye na hkra, dinghpring ai lam hpe hkan sa lu na matu karum ya u ga” ngu akyu hpyi ya dat ai.