1st: Acts 2: 42-47; Ps 117: 2-4. 13-24; 2nd: 1Pt 1: 3-9; Gos Jh 20: 19-31
Dai ni gaw 2 lang ngu na Paska laban shani rai nna, Karai Kasang a matsan dum lama ai Laban shani mung rai nga ai. Ndai laksan Laban shani hta Nawku hpung gaw Hkristu a hkrung rawt ai lam hpe sakse hkam ai lapran hta, aten ladaw a kabu gara lam hpe matut nna manu shadan nga ai. Hkinjawng agyi ni, ningbaw ningla ni, Hkristu hpe wudang hta jen da na matu maw mawn ai ni yawng, teng sha nga yang, shanhte a aten na kam shut ai Thomas’ a shut shai ai sakse ni hpe ninghkap nna, anhte a Madu Hkristu gaw teng sha hkrung rawt wa sai ngu ai kabu gara shiga hpe matut nna hkaw tsun na matu, laksan anhte ni hpe hkang da nga ai. Yup pyaw mat sai ni yawng a shawng nnan na asi, Hkristan ni a myit mada shara, Anhte a Kabu Gara Lam a Lam rai nga ai hkrung rawt sai Hkristu hpe shagrau na matu shaga la hkrum ga ai. Anhte a hpung shingkang hta kabu gara nga na matu ndai aten hta Nawku hpung a shaga la ai lam hpe hkum tsup hkra htai ya ra ga ai. Ahkyak dik gaw, shi a matsan dum lama ai hte Hkristu a hkrung rawt ai hpung shingkang hta mung, shi a mungdan hta mung shang lawm lu na matu anhte hpe shaga la ai anhte a Madu Yesu Hkristu a Kawa Karai Kasang hpe chyeju dum ra ga ai. Anhte gaw teng sha alleluia amyu rai nna, ndai aten hta anhte a kabu gara lam a lachyum gaw Hkristu rai nga ai!
Dai ni na Kasa 2: 42-47 hta, moi na Hkristan hpung hpe ka-up da ai myit rawt ai lam nnan, tsawra myit nnan, wenyi nnan hpe bai tsun dan da ai. Yuda masha ni hpe hkrit tsang ai hte zingri zingrat hkrum ai amyu langai mi, ya gaw nden marai rawng ai amyu langai mi de galai shai wa sai. Ya gaw shanhte kadai re ai hte shanhte a sali wunli nnan hpe gumrawng gumtawng nga ma ai. Dai sali wunli gaw Yesu Hkristu a hkrung rawt ai lam hta shanhte shang lawm ai lam rai nga ai. Shi gaw shanhte a kabu gara ai, tsawra ai, kahkyin gumdin ai hte sakse hkam lu na n-gun atsam a npawt nhpang rai nga ai. Dai gaw Hkristu a hkrung rawt ai lam gaw anhte a matu mung galaw ya ai lam rai nga ai. Karai Kasang a amyu masha ni hku nna anhte a kam hpa myit hpe bai gram lajang ya ai. Anhte hpe ga nhpu kaw nna sharawt ya nna, anhte nga ai shara hta hkrak sha tawn da ya sai. Tsun ga nga yang, anhte hpe bai gram lajang ya ai. Shi a hkrung rawt ai lam gaw, Easter Exultet aten hta anhte mahkawn hkawn ai zawn, kabu gara lam hpe bai gram lajang ya nna, anhte a htawm hpang hpe htoi tu shangun ai: “Ndai chyoi pra ai shana a atsam gaw, n hkru n kaja ai lam yawng hpe shaprai kau ya ai, mara hpe kashin kau ya ai, sum mat ai mara n kap ai lam hpe bai galai shai ya ai, yawn hkyen hkrum ai ni hpe kabu gara lam jaw ya ai; hkrung rawt sai Hkristu hpe sakse hkam nga ga.
1Pt 1: 3-9 daw lahkawng hta, Karai Kasang anhte hpe manu jahpu n jaw ra ai sha matsan dum lama ai lam hpe Petru myit maju jung shangun nga ai. Ndai matsan dum lama ai lam gaw shi a “shi a kasha ni (sh) shayi sha ni hku nna anhte hpe bai shangai wa shangun ai,” shi a tsawra ai kasha Yesu Hkristu hpe si ai kaw na hkrung rawt wa ai hta anhte hpe shang lawm na ahkang jaw ai hku nna, “anhte hta ngang kang ai myit mada shara hte galoi mung n hten n run ai, galoi mung n kinsha ai sali wunli a ga sadi anhte a matu tawn da ai.” Ndai ga sadi n hkrat sum na ngu ai ga sadi hte kam hpa ai lam anhte hta nga tim, anhte hkum nan hta nga ai myit mada lam hpe shadik shatup lu na matu ndai manu jahpu n jaw ra ai ga sadi hpe galaw sa wa na lit nga ai. Hkristu gaw anhte Karai Kasang a kashu kasha ni yawng a matu hkye hkrang la ai lam hpe hpaw ya sai rai tim, “hkap la” ra ai. Dai de du lu na matu anhte shakut shaja ra ai. Raitim, anhte hkam la ai rai tim, n hkam la ai rai tim, Hkristu gaw shi a hkrung rawt ai marang e hkye hkrang la ai chyinghka ni hpe hpaw ya sai ngu ai hpe n galai shai ya lu ai. Yesu hkrung rawt nna, hkrung nga ai ni hte si mat ai ni a Madu re ai lam hpe sakse hkam ai hku nna, Karai Kasang a myit ra ai lam hta nga nga ai tengman ai Karai Kasang a kashu kasha yawng a matu sumsing lamu gaw madi shadaw ya nga ai. Dai majaw Petru tsun ai hku nga yang ndai hkye hkrang la ai lam hpe hkam la na matu ra kadawn ai lam gaw, Makam masham rai nga ai. “Nanhte a makam masham a marang e, Karai Kasang a atsam gaw, nanhte a matu hkyen lajang da ai hkye hkrang la ai lam hpe, aten jahtum e dan dawng wa ai aten du hkra, nanhte hpe sin nga na ra ai.Dai gaw, nanhte a matu kabu gara lam kaba rai nga ai…” Rai sa, teng sha rai nga ai, hpa majaw nga yang, makam masham chyu sha, Hkristu a hkrung rawt ai lam hta, anhte hpe hkum tsup ai hku shang lawm lu na re. “n mu lu ti mung kam sham ai ni gaw a’lu ma ai” (Yawhan 20, 29).
Daini na kabu gara shiga hta Hkristu gaw shi a sape ni a man e shi hkum nan hpe madun dan nna, Htoma a hkrit tsang ai hte kam shut ai myit hpe mung maren sha shaprai kau ya sai. Shi a sape ni hpe ahkyak ai kumhpa jaw ya ai, simsa lam a kumhpa, Chyoi Pra ai Wenyi a nsa hpe jaw ya ai, teng sha nga yang, shanhte hpe “Sacramental Ministers” ni hku nna, Penance Sakramentu, tsabyi sun hta bungli galaw ai ni hku nna lit ap ya sai. Ndai lam hta, “myit ung ang ai ni hpe makawp maga ai san pra ai – San Thomas” galaw ai lam hpe sadi ra ai. Hkristu hkrung rawt sai ngu ai hpe kam na matu shi n loi ai. Shi gaw kaga sape ni a sakse hpe grai ningdang kau ai, grau sawng ai gaw, Hkristu shi nan dan pru wa ai shaloi, shi a ningma hkang ni hpe madun dan ai aten du hkra, shi re ai hpe n kam sham ai.
Kabu gara shiga hpe sakse hkam ai shaloi, kam shut nna yak hkak shangun ai ni teng sha nga na re. Ndai lam ni yawng nga tim, dai ni Htawma hpe galaw ai zawn, shi hkum nan shanhte hpe kam shangun na matu Karai Kasang kaw hpyi nem ra ai. Shanhte a n kam sham ai lam, baw ja ai lam ni a majaw anhte n myit ru myit tsang ga. Anhte galaw ra ai gaw, shiga hpe htawn tsun nna, hkrung rawt sai Madu Hkristu hpe kam shangun na sha rai nga ai. Hpa majaw nga yang, Hkristu shi nan n galaw ai rai yang, Htawma hpe kam shangun na zawn re ai sape ni kaw nna tsun shaga ai lam ni law law n nga ai majaw rai nga ai. tsun ga nga yang, anhte sakse hkam ai lam hpe Hkristu shi nan madi shadaw ya nga ai. Shi gaw anhte sakse hkam ai ni a prat hta shi ra sharawng ai, shi ra sharawng ai aten hta galaw nga ai. Dai majaw, Hkristu a sape ni hte kasa ni zawn, dai ni Hkristu anhte hpe lit jaw da ai Chyoi Pra ai Wenyi a atsam hte, Yesu Hkristu teng sha si ai kaw na bai hkrung rawt wa sai lam hpe mungkan ting hpe matut nna ndau shabra na matu matut hkawm sa wa ga. Shi gaw ndai aten hta anhte a kabu gara lam a lachyum rai nga ai! Hkrung rawt sai Madu hpe sakse hkam ai lam hta anhte hkrum katut ai Thomas’ a lam hpe anhte myit tsang n ging ai, hpa majaw nga yang shi gaw anhte hpe kam shangun na hpe chye ai majaw re. Dai majaw, tsawra ai hpu nau ni e, ndai aten hta Karai Kasang anhte a matu galaw ya ai lam ni a majaw, Shakawn Kungdawn Sara hte rau ndai hku tsun ga: “Madu gaw kaja nga ai, Shi a tsawra myit htani htana grin nga ai majaw, shi hpe chyeju dum mu, Alleluia, alleluia, alleluia!