April 30, 2026

Yawhan 13:16-20

Daini na Ja Chyum Mungga hpe hti sum ru yu ai shaloi e, Sape ni a lagaw hpe Yesu Kashin ya ai lam na chye la lu ai. Dai ni na kabu gara shiga ningnan daw hta, Madu Yesu Kasa ni a lagaw kashin ya ai hpang da nga ai.

Lagaw kashin ai ngu ai gaw, Mayam wa kaw n na, shi a Madu hpe galaw daw jau ai magam re. Yawhan Baptista tsaw ai, Mayam zawn Madu Yesu hpe daw jau na matu pi n gring dang nga ai nga ai. Raitim Madu Yesu gaw, Mayam zawn Kasa ni a lagaw hpe kashin ya sai. Dai Madu Yesu galaw dan ai lagaw kashin ai lam gaw, grai nan ahkyak ai lam re hpe tsun da nga ai.

Shingrai Madu Yesu sharin shaga ai lam ni hpe chye madat na matu sha n rai, Madu Yesu galaw madun ai lam tsawra matsan dum lama ai lam ni hpe ta tut hkan galaw let, shagrit shanem ai hte, shada da hpe daw jau na matu re.

Ndai zawn madu Yesu lam madun dan ai shagrit shanem ai magam bungli ni hpe galaw sa ai a marang e, Madu Yesu hte grau grau bung wa na rai nga ai. “Ngai shangun dat ai wa hpe hkap la ai wa gaw Ngai hpe hkap la ai wa nan re.” Madu Yesu gaw, kaga masha ni hpe tsawra myit madun dan na ra sharawng nga ai.

Dai re majaw shiga madat ni anhte yawng mung, tsawra matsan dum lama chye ai magam lam ni hta e, lahpawt ai myit n nga ai sha shakut hkawm sa ga law.