May 1, 2026

Yawhan 14:1-6

Daini na Ja Chyum Mungga hpe hti sum ru yu ai shaloi e, Jahtum na shat sha yang na Yesu a Mungga hpe na chye lu ga ai. Tinang a prat hta hkrum katut ai mayak lam ni gaw, myit a sim sa ai lam pi n lu mat hkra anhte hkamsha nga ga ai kun?

Kaja wa teng sha nga yang, n dai yak hkak jam jau ai lam gaw, kadai wa mung koi kau n lu ai mabyin lam nan re. Shinggyin masha shagu hkrum katut ra ai lam nan mung rai nga ai.

Madu Yesu mung shi Kawa kaw bai wa ai shaloi, Kasa ni hkrum ra na mayak lam ni hpe mu ai majaw, shi a pru mat wa ai lam gaw, shi Kasa ni a mai kaja na matu rai nga ai.

Madu Karai a n ta hta shanhte a matu, shara lajang da ya na re ai lam tsun da nga ai. Dai Sumsing mung dan gaw, anhte a hpang jahtum na Pan dung re nga yang, dai de gara hku sa na ga ta? Kasa Thomas gaw, dai lam n chye n ngai ngu tsun ai shaloi e, Madu Yesu gaw Ngai gaw Lam rai nga n ngai.

Teng man ai. A sak mung ngai rai nga n ngai ngu tsun nga ai. A mu galaw sha ai ni hpe yu bau sin ya nga ai San pra ai Yawseph mung shi prat hta Karai Kasang a ra sharawng ai lam hpe n gup a ga hte sha n rai, dinghpring kang ka ai hte shakut shaja let, Lak sama a mu galaw let, san seng ai dinghku hpe bau gawn lajang ya ai wa rai nga ai.

Anhte mung Madu a hpang hkan let teng man lam hpe mu tam n n, htani htana A sak madu lu hkra shakut sa ga law.