Wa Sarabyin Leo XIV gaw, San Peter’s Square hta, bat masum Ya shani galaw ai General Audience hta, Hkristan makam masham hte htunghking lapran na kaja ai matut mahkai lam hpe sang lang dan let, Vatican Zuphpawng II a Gaudium et Spes hpe myit sumru let, tsun dan lai wa ai. Ndai madung lam ni hpe shi ahkyak shatai tsun ai.
- Makam masham hte htunghking gaw matut mahkai nga ai.
Hkristan makam masham gaw, Yesu Hkristu shinggyim masha tai wa nna anhte a lapran hta nga lai wa sai zawn, masha ni nga pra nga ai htunghking ni hta lawm ai.
2. Hpaji lam gaw ahkyak ai. Nawku Hpung gaw, shinggyim masha, htunghking, wenyi, hpaji machye machyang rawt jat galu kaba wa na matu, jawng, dakkasu ni hpe hpaw ninghtan da ya sai.
3. Htunghking shagu hta manu dan ai lam nga ai.
Htunghking shagu gaw shinggyim masha ni a lachyum tam ai lam hpe madun dan nna, Kabu Gara Shiga hpe hkap la na matu masha ni hpe hkyen lajang ya lu ai.
4. Makam masham gaw kaja ai lam hpe shabyin ya ai.
Hkristan makam masham gaw tsawra myit, daw jau ai, Karai Kasang hpe anhte a Kawa ngu masat yin la ai hku nna htunghking ni hpe galai shai ya nga ai.
5. Machye machyang hte makam masham rau galu kaba wa ra ai.
Hkristan ni gaw shanhte a shinggyim machye machyang, hpungtang hpaji, hpaji machye machyang ni rawt jat wa ai shaloi, makam masham hpe grau sung hkra galaw ra ai.
Wa Sarabyin Leo XIV gaw Hkristan makam masham gaw htunghking shagu hpe sut su shangun nna, tengman ai lam, tsawm htap ai lam, kaja ai lam de rawt jat galu kaba wa na matu karum ya ai lam sharin ya nga ai.
Nawku hpung gaw htunghking shagu a kaja ai lam ni hpe hkap tau la nna, makam masham hte machye machyang hpe kahkyin gumdin ai hpaji masa hpe shalat ra ai. Hkristan ni gaw shanhte a makam masham hpe myit mada shara hte mungkan hpe kaja ai ningmu hte sak hkrung hkawm sa na matu shaga la hkrum ai ni rai nga ai.
