HTAI YA AI WA – WA JAU DR. JOSEPH GAWLU YUNG WA
GA SAN- Wanwu chya ai nhtoi hta nawku jawng de Wa Jau n du ai aten hta sr/srn ni hte sha Wanwu chya ai hkam la yu ai. Manang nkau mi gaw, Wa Jau hte n rai yang, Wanwu n kam chya ai hkam ma ai. Wanwu chya ai shani sr/srn ni hte rai yang hpa byin ai rai …chye ju hte htai ya rit.
Htai: Ndai ga-san hpe rai n htai yang, wanwu chya ai a lachyum the yaw shada lam hpe shawng sagawn yu ga.
- Hpung masha ni a kahtan ni a ntsa de wanwu hpe chya/mara ya ai shaloi: “Nang ga-yun rai nga ndai hte ga-yun bai tai nah pe myit dum u” ngu nna shadum ai. Dai gaw – dinghta prat na lam ni hpa mung n grin ai; dai lam ni hta manoi nga nna “gumrawng gumtawng ai myit hpe koi kau na; agrin nga ai sumsing mungdan lam ni hta manoi nga na matu shadum ya ai.
- “Dap”/ “wanwu” gaw shawa wuhpung ting a yawn hkyen myit malai ai kumla rai nga ai. Ga Shaka dingsa prat na kamsham ai mash ani mung, wandap hta dung, shanghte a baw, hkum ni hta wan-dap hte ahpre bun nna, shanhte a shut hpyit mara ni kaw na myit malai lu sai lam hpe madun lai wa masai. Anhte mung, wanwu hte chya hkrum ai shaloi, “Myit malai lu nna Kabu Gara Shiga hpe kamsham” na matu kalang bai myit hkut dawdan da ga ai.
Dai majaw, wanwu hpe kadai e chya/mara ya ai mi rai rai, lachyum gaw maren sha rai nga ai.
San Ai Wa – Laiza Jau ginwang, Je Yang kaw shanu nga ai Asumta Maru Lum Ban
