Ramma Langai A Sak Prat
Ramma langai a sak prat hpe, aten ladaw langai hta Asak ( 18 ) kaw na ( 35 ) ning du hkra ngu masat da ga ai, kaja wa hkrat sawn ga nga yang, shaning hku nna, ( 17 ) ning ram sha nga nga ga ai re, ndai gaw, masha langai shangai ai ten kaw na, si ai ten du hkra, sak prat ting a matu, shadang masa tai ten ladaw langai rai nga ai.
Shangai ngut ai ten kaw na Asak ( 18 ) ning du hkra ladaw langai hpe gaw, ma kaji ten ngu masat da nga ai, anhte ramma ni hta asak ( 5 ) ning kaw na (18 ) ning du hkra npawt nhpang laika hpaji ni sharin hka ja la ra nga ga ai re, dai zawn sharin hka ja ngut nna gaw, madang tsaw hpaji ni sharin la na nga yang, yawm htum ( 4 ) ning kaw na (7 ) ning ram bai kahtap sharin hka ja la nna she, jan mau langai lu la nga ga ai re, dai zawn sharin hkam la ngut ai hpang anhte nang ngai ramma ni a asak gaw ( 25 ) ning de du mat nga sai mung rai nga ai, ya sha tsun ai Ramma prat gaw, ( 10 ) ning sha ngam mat sana rai nga ai nrai yang mung ( 13 ) ning ngu saga rai yang, anhte ramma ni a sak prat gaw anhte nga ai mungdan, anhte a htung hking lailen ni hku nna nga yang, pyaw pyaw rai sak prat jahtum na matu, madang tsaw hpa ji ni sharin hkaja na matu, sak prat a hkam daga lu ai magam bungli langai ngai lu na matu shakut na ahkaw hkang ni gaw, grai nan yawm mat wa sana rai nga ai dai zawn sha nga yang, anhte ni hku nna, hpa ni galaw yang sak prat a matu, gara hku hkyen lajang da ran a ngu ai tak sawn ai lam ni ra nga saga ai re, anhte ramma ni hta dai zawn galaw lu na matu, tinang a kanu kawa ni a shing wang, madang lam ni, hkam la ai lam ni a natsa hta mung madung nga saga ai re
Ndai zawn myit sawn ai lam ni gaw, ya prat na, masha shadang hpan law law shagu ni hta mung galai shai wa nga saga ai re, moi prat na zawn tinang a kashau kasha ni gaw jawng amak law yang hpa mi rai rai tsi jawng lu lung sai, sarawun galaw ra ai ngu ai aming ni hpe mung hkan madat ai lam yawm wa nga saga ai re, ndai ni a npawt lam gaw, lata la mai ai lam ni law wa nga ai hte kanu kawa ni a mu mada lam gyip ai lam ni a shinggan de dam lada ai hku myit sawn sumru lu ai lam ni a majaw rai nga ai ngu na mung nshut nga saga ai re. ndai zawn re ai mabyin lam ni kaw na lawt pru wa nna, ramma prat ( 17 ) aten, hpaji sharin hkam la ai ten, sak prat hkam daga lu ai magam bungli langai ngai tam ai ten, pyaw pyaw sha sak prat hkawm san a matu, aten ladaw ngu ai gaw grai nan yawm wa nga saga ai re, ya na zawn tsawra ai ramma ni hpe twet sawn dan ai lam gaw Ramma sak prat asak ( 17 )ning ngu ai gaw, ramma ni a myit kraw kata hta, grai nan law ai shaning ladaw ngu masat kau dat na mung tsang ra nga ai, ramma sak prat ( 17 ) ning laman hta atsawm hkrak shajin galaw da yang sha sak ram wa ai ten ladaw langai de bai du wa ai shaloi myit hpe azim sha rai sak prat hpe nga pra shalai tawt lai lu wa na mung rai nga ai.
Sak prat langai hpe shajin hkawm sa ai ngu ai hta, kaja wa atsawm hkrat sawn yu yang ladaw laman langai hpra a aten ladaw ni gaw, grai nan ten kadun la nga saga hpe tsawra ai ramma ni mu chye lu wa na rai nga ai, dai zawn mu mada wa ai ten hta she, manu dan ai aten ni hpe manu shadan chye wa lu na rai nga ga ai re dai majaw tsawm sha lajang hkyen da ai ai sak prat langai gaw tinang shadu da ai zawn byin wa lu na matu mung nmu mada lu ai mung kan a laru kaba a lapran, mayak mahkak lam ni, mang hkang ni mung hkam sha tawt lai ra na rai nga ga ai, dai zawn hkrak lajang da ai lam ni nga yang gaw, byin pru wa chye ai kaning re ai mayak ni, pat hkum da ai lam ni hpe man up hkrum kadup lu na matu mung jin jin rai nga lu na gaw teng sha re hpe tsun shadum mayu ai dai majaw tsawra ai ramma ni ndai zawn manu dan la ai Ramma sak prat ni hpe nshakut, nhka ja nna majoi ten jahtum shalai kau dat na nga yang gaw grai nan lahpawt hpa mabyin rai nga ai re, Ramma langai a matu, manu dan la ai ten ladaw ni hpe manu dan hkra jai lang akyu jashawn let hkawm sa let, htawm hpang prat a matu lajang shachyip hkyen da chey na nga yang gaw, sak prat ting a matu mung tsawm htap ai ten ninghtoi ni gin shalat lu wa sana re ngu n gun jaw dat lu nngai
#youth
#rvakachinservice
