Readings: 1st: Acts 2: 1-11; Ps 103: 24-34; 2nd: 1Cor 12: 3-7.12-12; Gos: Jn 20: 19-23
Daini gaw Pentekoste (Chyoi Pra ai Wenyi Yu hkrat wa ai ) Laban shani re. Pentecost poi gaw Nawku hpung a labau hte nawku daw jau ai lam hta grai ahkyak ai hte dan dawng ai shara hpe hkam la nga ai poi rai nga ai. Ndai lam gaw, Paska ladaw hte pranwan ladaw lapran hpe mahkrai tai ya ai majaw re.
Pentecost ngu ai lachyum gaw 50 ngu ai lachyum re. Yuda masha ni Shalai wa ai poi ngut ai hpang 50 ya hta galaw ai poi rai nna, Hkristan ni hku nna Yesu hkrung rawt ai poi ngut ai hpang 50 ya hta galaw ai poi rai nga ai. Yuda ni a Pentekoti poi gaw, hkai lu hkai sha ngut ai hpang na chyeju shakawn poi rai nga ai. Hpang e, Yuda masha ni gaw, Sha-u ing ngut ai hpang, Noa hte Sina bum ntsa e Mawshe hte Karai Kasang tawn da ai ga shaka ni hpe myit dum ai lam hpe mung, dai hta bang da ma ai.
Mabyin masa: Pentecost poi nhtoi hta: 1) Chyoi Pra ai Wenyi gaw kasa ni hte Chyoi Pra ai Nu Maria a ntsa wan shinglet zawn yu hkrat wa ai. 2) Hkrit kajawng mat ai kasa ni hpe myit n den rawng ai hkaw tsun ai ni hte kabu gara shiga hkaw tsun ai ni hku nna galai shai wa nna, Chyoi Pra ai Wenyi a laksan namman chya ya ai a marang e, ga amyu myu tsun chye ai chyeju hpe hkam la lu sai. 3) Madat nga ai ni gaw kasa ni a ga amyu myu chye shaga ai kumhpa hku nna Chyoi Pra ai Wenyi a namman chya hkam la ai lam nnan hpe hkam sha lu ma ai: Petru gaw shanhte a buga ga hku tsun shaga ai hpe na lu ma ai. 4) Shawng na Hkristan ni gaw Yesu hpe Kam sham ai majaw, n-gun ja ai sakse ni, nden marai rawng ai martyr ni tai wa sai.
Ndai Laban shani na daw 1 hta, Hkristu gaw hpang jahtum shi a ga sadi hpe sadi dung let madat mara ai sape ni hpe gara hku shadik shatup ya ai lam hpe tsun dan ai: “Tara kasa wa garai n du shi yang, Yerusalem mare kaw nna hkum pru mat wa myit!” (Kasa 1, 5). Dai majaw ndai lam a ningmu hku yu yang, daini na poi gaw, sadi dung let madat mara ai hte akyu hpyi ai hta ngang ngang tsap nga ai lam a matu shagrau kumhpa rai nga ai.
Ndai poi a kaba dik ai lam langai mi gaw, chye na shut ai, kumhpa kaba n-gup shinglet hpe shut shai ai hku jai lang ai lam hpe sadi ra ai. Kor 12 hte 14 hta lawm ai kumhpa ni hte ga amyu myu tsun shaga ai lam hte seng nna Pawlu a sharin achyin ai lam ni hpe chye na na matu ahkyak nga ai, Karai Kasang kaw na manu jahpu n jaw ra ai kumhpa rai nna, sharin hkam la ai hte tatut galaw ai hku nna pru wa ai.
Masu ai ga amyu myu tsun ai wa gaw Karai Kasang hpe jahpoi asawng ai hte chyoi pra ai lam hpe jahpoi asawng ai wa mung rai nga ai. Dai gaw, Chyoi pra ai Wenyi hpe shut hpyit mara galaw ai lam rai nga ai. Ndai kumhpa kasa ni hpe jaw ai gaw, shanhte a ga hpe madat na matu, amyu bawsang shagu kaw na zuphpawng nga ai masha amyu myu hpe kabu gara shiga hkaw tsun na matu karum ya na matu rai nga ai: “Yerusalem mare hta Karai Kasang a mauhpa amu ni hpe tinang a ga hku tsun dan ai hpe na nna, shanhte langai hte langai mau mat ma ai.” Shanhte a myit masin hpe shatsaw na matu, shing nrai, shanhte a tinggyeng (sh) tinang akyu a matu jaw ai n re. De a malai, nawku hpung hpe gawgap na matu hte htani htana asak a shiga hpe kaga masha ni hpang de htawn tsun dan na matu shanhte hpe jaw da ai re.
dai ni na daw lahkawng hta, Pawlu gaw grai ahkyak ai ga hpe tsun da ai: “Chyoi Pra ai Wenyi a npu e n rai yang, kadai mung ‘Yesu gaw Madu rai nga ai’ ngu nna n tsun lu ai.” Lachyum gaw, Hkristu a madu tai ai hpe chye na hkam la lu na matu, dai ni anhte hkam la lu ai chyeju kumhpa ni hku nna, Karai Kasang shi nan anhte hpe atsam jaw ya nga ai. Hkristu a madu aya hpe chye na na matu gaw Satan a matu yak hkak ai bungli rai nga ai, hpa majaw nga yang, Chyoi Pra ai wa gaw shi hpe kau da kau ai majaw re.
“Yesu gaw Madu re ngu tsun u” ngu ai ga si hpe Pawlu lang ai shaloi, Hkristu a madu tai ai lam hpe laika hku nna tsun shapraw ai hpe sha tsun mayu ai n re. shi tsun mayu ai gaw, Yesu hpe tinang a prat a Madu shatai ai lam rai nga ai. Dai hpe lu la na matu, Chyoi Pra ai Wenyi a kam sham ai lam ra nga ai.
Yesu hpe Madu ngu tsun ai gaw, dai sak hkrung ai lam rai nna, teng sha shi hpe tinang a sak hkrung lam a madu hku nna lu la ai lam rai nga ai. Chyoi Pra ai Wenyi woi awn hkrum nga ai ni chyu sha Karai Kasang a kasha majing ni rai nga ai (Rom 8, 14). Dai ni anhte hkam la lu ai Wenyi gaw, Hkristu a madu tai ai lam hpe hkaw tsun na matu anhte hpe shadut ya na re: “Nanhte gaw kasha tai ai wenyi hpe hkam la manit dai rai nna, shi a marang e, anhte gaw Abba Wa ngu nna jahtau nga ga ai.
Daini na kabu gara shiga hta, Trinitarian Karai Kasang nga ai hpe mu lu ai, langai hte langai Shi a galaw ai lam hpe ngut kre hkra galaw nga ai raitim, kahkyin gumdin nga ma ai. Shanhte gaw, langai hte langai gaw kaga langai hpe baton ap ya ai, relay gat shingjawng poi hta shang lawm ai zawn galaw ma ai. Raitim, dai zawn rai nga tim, shanhte langai mi mung gara aten hta mung passive n rai nga ai. Yesu tsun ai gaw, “Wa ngai hpe shangun dat ai zawn, ngai nanhte hpe shangun dat made ai, Chyoi Pra ai Wenyi hpe hkap la mu.”
Dai ni anhte hkam la lu ai Chyoi Pra ai Wenyi gaw Hkristu a shara hta gara hku mung n du wa ai. De a malai, Hkristu hpe shi karum ya ai hpe anhte lu la na matu du sa ai. Dai majaw, dai Wenyi langai sha, Hkristu a madu re ai lam hpe sakse hkam lu na matu, anhte hpe shamu shamawt na matu n-gun jaw ya nga ai. Pentekoti nhtoi nnan rai nga ai majaw, Madu hpe ndai hku hpyi nem ga ai: “Madu e, na a wenyi hpe shangun dat nna, lamu ga hpe nnan bai gram lajang ya rit.