Htawng masha ni hpe shalawt dat ai
59. Kasa ni a prat kaw nna Nawku hpung gaw dip gamyet sha hkrum ai ni hpe shalawt dat ai lam hpe Karai Kasang a Mungdan a kumla hku mu mada nga ai. Yesu shi nan shawa hpawng hta hkaw tsun hpang ai shaloi ndai hku ndau shana lai wa sai: “Matsan mayan ni hpe kabu gara shiga hkaw tsun na matu shi ngai hpe namman chya ya ni ai majaw, bawng dung ai ni hpe shalawt dat na lam hkaw tsun na matu shi ngai hpe shangun dat ni ai” (Lk 4:18). Shawng na Hkristan ni gaw, n-gun n rawng ai masa hta pyi, bawng masha ni hkrum nga ai hpunau nauna ni a matu akyu hpyi garum shingtau ai lam ni hpe Kasa Laika (cf. 12:5; 24:23) hte kaji kawa ni a laika amyu myu hta sakse hkam da nga ai. Ndai lawt lu lam a sasana magam bungli gaw, grau nna mayam prat hte htawng hkrat ai tsin-yam tsindam gaw shinggyim wuhpawng ting hpe masat da ya ai aten hta, tengman ai magam bungli ni hku nna, tsaban law law hta matut manoi galaw nga ai.
60. Tsaban 12 htum wa maga hte tsaban 13 shawng daw lapran, Mediterranean panglai hta Hkristan law law hpe rim la ai (sh) majan hta mayam shatai kau ai aten hta, nawku hpung lahkawng pru wa ai: Chyoi Pra Htum ai Trinita hte Bawng dung ai ni a Hpung (Trinitarians) hpe San Yawhan of Valilo the Order of Matha hte B. San Pra ai Petru Nolasco gaw, Peñafort mare na Dominican San Pra ai Raymond a madi shadaw ai hte hpaw hpang wa ai, Matsan dum lama ai Nu Maria (Mercedarians) rai nga ai. Ndai chyoi pra ai ni a wuhpung wuhpawng ni gaw, mayam tai mat sai Hkristan ni hpe lawt lu shangun ai, shanhte a sutgan ni hpe mayam tai mat ai ni a lata hta tawn da ai hte, galai shai na matu, shanhte a asak hpe law law lang jaw kau ai ngu ai, laksan arawn alai hte shangai wa ai ni rai ma ai. Trinitarian ni gaw, shanhte a ga baw Gloria tibi Trinitas et captivis libertas (Nang hpe hpung shingkang jaw u ga, bawng masha ni hpe lawt lu shangun ai) ngu ai ga baw hte, Mercedarian ni gaw, matsan mayan, san seng ai hte madat mara ai lam ngu ai nawku htung ga sadi ni hta mali ngu na ga sadi hpe jat bang nna, hero tsawra myit gaw mai byin ai hpe sakse hkam ma ai. Htawng masha ni hpe lawt lu shangun ai gaw, Trinitarian tsawra myit hpe madun dan ai lam rai nga ai: wenyi mayam prat kaw na sha n-ga, tengman ai dip gamyet sha ai lam kaw na mung lawt lu shangun ai Karai Kasang re. Mayam prat hte bawng dung ai kaw na marai langai ngai hpe hkye la ai lam hpe Hkristu a hkye hkrang la ai hkungga hku mu mada ma ai, dai hkungga a asai gaw anhte hpe hkye hkrang la ai manu rai nga ai (cf. 1 Kor 6:20).
61. Ndai hpung ni a npawt nhpang wenyi lam gaw wudang hpe sung sung myit sumru ai lam hta gaw de da ma ai. Hkristu gaw bawng masha ni hpe hkye la ai wa par excellence rai nna, shi a Hkum hkrang rai nga ai Nawku hpung gaw ndai makoi magap da ai lam hpe aten ladaw hta galu kaba shangun nga ai. Nawku hpung masha ni gaw hkye hkrang la ai lam hpe mung masa (sh) sut masa lam hku n mu mada ai sha, nawku daw jau ai lam a daw chyen, shanhte hkum shanhte sakramentu hkungga jaw ai lam hku mu mada ma ai. Law malawng gaw bawng masha ni a malai shanhte a hkum hkrang hpe jaw kau ma ai, ndai ga hpe gaja wa shadik shatup ma ai: “Tinang a jinghku ni a matu tinang a asak nawng kau ai tsawra myit hta grau kaba ai tsaw ra myit kadai mung n nga ai” (Yhn 15:13). Ndai matsun ni a htunghking gaw n htum mat ai. Dai hte maren, dai ni na aten na mayam prat masa ni hpe ninghkap ai shaloi, shinggyim masha ni hpe dut sha ai lam, atik anang bungli galaw shangun ai lam, hkum shan roi rip ai lam hte kam hpa ai lam amyu myu hpe ninghkap ai lam nnan ni hpe shabyin ya ai. Hkristan tsawra myit gaw hkum hkrang hkam la ai shaloi lawt lu shangun nga ai. Dai hte maren, Nawku hpung a sasana magam gaw, shi a Madu hpe sadi dung ai shaloi, aten shagu lawt lu lam hpe hkaw tsun na matu rai nga ai. Dai ni aten hta pyi, “masha wan law law — asak ram ai ma kaji ni, num ni hte la ni — shanhte a lawt lu lam hpe dawm la nna, mayam prat hte bung ai masa hta nga ra ai aten hta pyi, ndai lamu ga jarit ni hte mare grup yin, manghkang byin ai shara ni hte htawt sit ai lam ni hta bungli galaw nga ai kaga wuhpung wuhpawng ni hte nawku hpung ni gaw matut manoi galaw nga ma ai. Matsan mayan ni hpe gyit da ai sumri nnan ni hpe daw kau na matu Nawku hpung gaw gum dagup ai shaloi, shi gaw paschal kumla tai wa ai.