Readings: 1st: Ez 33, 7-9; Ps 94, 1-2.6-9; 2nd: Rom 13, 8-10; Gos: Mt 18, 15-20
Daini, pranwan ladaw hta (23) ngu na Laban shani hta, chyoi pra ai kanu nawku hpung gaw, anhte shada da hte anhte a shinggyim wuhpawng hpe lit la ra ai lam hpe shadum ya nga ai. Ahkyak dik gaw, htinglu htinglai lam hpe shabyin ya lu na matu, bawngban hpawng hte shada da tsawra myit gaw kaja dik ai ladat re ai hpe shadum ya nga ai.
Daw 1 hta, Karai Kasang gaw, myihtoi Ezekela hku nna, langai hte langai lit la ra ai lam hpe shadum ya nga ai. Grau nna kaga masha ni hpe hkye la na matu, shanhte galaw ai lam a majaw byin wa na akyu ni hpe hpaji jaw ai hte sadi jaw ai lam ni hta grau nna teng nga ai. Marai langai ngai hpe sadi jaw, hpaji jaw na matu tsawra myit ra ai. Dai majaw, ndai hpe tsawra myit hte galaw ra ai.
Kaga masha ni hpe lit nga ai ngu tsun ai gaw anhte a matu mung akyu nga ai ngu tsun ai rai nga ai. Dai majaw, Madu tsun ai gaw: “Ngai nang hpe lit la na we ai.” Anhte a hpunau nauna ni, ma ni, jinghku jingyu ni, shanhte lam dam mat wa ai shaloi, tsun shaga ra ai, hpaji jaw ra ai, sadi jaw ra nga ai. Anhte a dinghku, shinggyim wuhpawng, buga ginra hta byin nga ai hten za ai lam (grau nna akyang lailen, htunghking, wenyi lam) hpe n sawn ai sha nga ai gaw htawm hpang de hkra machyi shangun chye ai. Dai majaw, anhte a hpunau wa a sin langa tai na lit gaw anhte hta nga ai. Ndai lam hpe Karai Kasang tsun nga ai.
Kaja wa myit n pyaw hpa gaw, dai ni aten hta, nkau mi gaw atsin sha nga na, law malawng hte rau shang lawm na, shing nrai, hpa mung n shut ai zawn galaw na hpe ra sharawng ma ai. Anhte hkum anhte na hkra galaw ra ai. Dai ni anhte madun dan ai myit n lawm ai lam (sh) atsin sha nga ai lam gaw hpawt ni anhte hpe zingri zingrat chye ai majaw re. Raitim, Karai Kasang tsun ai hpe myit dum ra ai: “mara kap ai wa si mat ai hpe ngai n ra sharawng nngai…shi myit malai lu nna hkrung nga u ga” (Ezek 18, 23). Dai majaw, anhte hpa galaw tim, shut ai lam de sa wa ai wa hpe sharai la na, bai lam madun na, bai woi wa na matu rai ra ai.
Daw Lahkawng hta, Pawlu gaw bawnu hta hkrak sha hpri maina hpe jun da ai: “Shada da tsawra hkat ai hka hta lai nna, hka kap ai hpe koi nga u.” Tsawra myit hpe Pawlu tsun ai “shada da” ngu ai ga si hpe anhte sadi ra ai. Ndai tsawra myit a atsam ningja gaw, tinang hkum tinang myit dik mayu ai myit (sh) tingkyeng myit sha n rai nga ai. De a malai, kaga langai a akyu ara hte shimlum lam hpe myit nna myit dum ai wa rai nga ai.
Hpang jahtum e anhte hta byin shangun ai lam chye lu na re. Tsun mayu ai gaw, myit dum ai hku hkau lam tsawra myit, jaw na matu jin jin rai nga ai tsawra myit, myit sawn sumru ai tsawra myit rai ra ai. Lit hpe hkam la nna garan gachyan ai majaw shada da tsawra ai lam re. Hpaji jaw ai, kaja ai hpaji jaw ga hpe hkap la ai, shading sharai ai, shading sharai ai hpe hkap la ai. Dai gaw gam jaw gam ya nna kaga langai hpe asan sha mu lu hkra karum ya ai. Kor 13 hta kaja dik htum tsawra myit rai nga ai, asan sha, mahtai jaw chye ai, lit la chye ai.
Kabu gara shiga hta, Yesu gaw htinglu htinglai ai lam a npawt tara ni hpe jaw da nga ai. Tsun mayu ai gaw, manghkang ni n mai koi yen ai. Shanhte du ra ai rai nna, hku hkau lam, dinghku, wuhpung wuhpawng ni hta n mai koi gam ai lam ni rai nga ai. Raitim, ga san gaw, dai ni hpe gara hku hkau lam hte hparan na kun? Yesu a npawt tara hta, bawngban hpawng gaw madung rai nga ai hpe sadi ra ai. Manghkang ni hpe hpaji jaw, tsun shaga lu ai atsam, kaga masha ni a ningmu hku nna mu mada lu ai atsam (sh) kaga masha ni hpe matsan dum chye ai atsam.
Dai majaw, Hkristu gaw anhte hpe htinglu htinglai ai lam a npawt tara masum hpe jaw da ai. Shawng nnan, langai hte langai, myi man hkrum dung nna bawngban ra ai. Dai hpang, manang kaja langai a lapran salang hpe tam nna, hpang jahtum anhte a buga (sh) dinghku a lapran salang hpe tam ra ai. Hkristan ni hku nna dai ni anhte a manghkang ni hpe gara hku hparan nga ga ai kun? Dai ni Hkristu anhte hpe jaw ya ai madung lahkam masum hpe sadi ra ai.
Anhte hpe shut ai wa hpe lata la na matu gaw, Shagrit Shanem ai atsam marai n nga yang, galaw na matu yak nga ai. Nang ngai hpe shut kau ai (sh) nang ngai hpe shut kau ai, dai majaw nang ngai kaw mara raw ya ra ai rai nna, ngai nang hpang de sa nna nang ngai hpe shut kau ai lam tsun dan na matu n re.
I’m sorry ngu tsun na matu (sh) mara raw ya na matu shagrit shanem ai myit kaba ra ai. Raitim, ndai lam gaw, Yesu a hpang hkan ai ni hku nna, Yesu gaw shagrit shanem ai lam a nambat langai kasi ningli re ngu ai asan sha re ai lam a majaw shaga la hkrum ai lam rai nga ai.
Ndai lam hpe anhte n chye na tim teng sha tsun ga nga yang, anhte shagrit shanem ai rai yang atsin sha masha shagu a hkungga lara ai lam hte shakawn shagrau ai lam hpe lu la ga ai. Anhte shagrit shanem ai rai yang galoi mung simsa ai hte Yesu hpe anhte a prat hta grau nna mu lu ai.
Kaja wa myit n pyaw hpa gaw, dai ni anhte gaw ndai madung lahkam yawng hpe n myit mada ai sha, “shi hpe ahkun hkanse hta ai wa zawn galaw u” ngu ai de dingyang sa wa ai. Ndai lam garai n byin shi yang, ra ai rai yang, kaga masha ni hte bawngban jahkrup ai lam hku nna htinglu htinglai lu na matu, shakut shaja ai lam yawng hpe galaw ra ai. Ga shaga ai lam gaw kaga langai hpe hkungga lara ai lam hpe shalat ya ai; anhte a n-gun, aten, tara shawk shawn ai lam ni a matu jai gumhpraw law law hpe hkye la ya ai. Hpang jahtum, shada da tsawra myit hpe shalat ya nna, hku hkau lam hpe bai gram lajang ya ai. Anhte bawngban nna myit hkrum ai shaloi, Karai Kasang gaw, amen kaba hte dazik shakap ya na re.