Dai ni na Ja Chyum Mungga hpe hti sumru yu ai shaloi e, Galile Mungdaw na num ni Yesu a hpang hkan ma ai lam na chye lu ga ai. Madu Yesu a si mani ai htetaramungga hkaw tsun ai majaw, shi a hpang de masha unawng uwa hkan sa ma ai. Dai masha ni hta e, shayi num sha ni mung lawm nga ma ai. Shanhte ni gaw tinang a dum nta hta e galaw ra ai magam bungli ni hpe tawn kau da nna, shanhte lu ai ja sut gan ni hpe dut kau nna, Madu a hpang de hkan nang ma ai. Shi Madu a matu ra ai lam ni hpe hkan galaw ya mu ai.

Nu wa hpu nau ni e, anhte yawng mung ya e Madu Yesu a hpang hkan ai shangun ma ni rai nga ai wa jau mama ni, Deacon Brother ni a wenyi hte hkum hkrang lam yan a matu ra kadawn ai lam ni hpe garum shingtau ya na matu tut e jin jin rai nga ga ai kun? Madu Yesu anhte hpe Ga san san nga ai. Shingrai Madu a mungdan lam a matu, tinang lu tawn da ai sutgan ni hpe dut nna, alu atan jaw na matu nang jin jin rai nga ai kun? Ndai zawn alu atan sak jaw ai lam galaw ai gaw, ya ya nan kalang ta akyu hkam sha lu ai zawn, hpang na prat a matu mung, akyu chyeju hkam la lu nga ga ai re. Dai majaw anhte yawng lu su ai raitim, matsan jam jau ai raitim, alu atan jaw chye ai ni byin tai nga ga law.