Daini na Ja Chyum Mungga hpe hti sumru yu ai shaloi e, Namling hkayam ana lu ai masha hpe laban shani Yesu shamai ya ai lam na chye la lu ga ai. Hka pang lai namuk dara na hka hpe kade mi ja la sung lang ai raitim, hkun hkraw hkyet mat ai lam n nga ai zawn, Madu Yesu hta nga ai matsan dum lama ai lam hte, tsawra matsan dum ai lam ni mung, galoi e mung htum mat na n rai nga ai. Shi gaw shani shana n lata, ahkying aten n ginhka, machyi ai masha ni hpe tsi lajang shamai ya nga ai wa mung re.

Dai zawn sha shiga madat nu wa ni e, anhte mung makau grupyin kaw na garum shingtau ya na ra kadawn nga ai rai yang, dai ni she shing n rai  hpawt ni she nga nna, aten n garawt taw ai sha, mai byin ai made lawan dik ai hku garum shingtau ya let, kaga masha wa a ra sharawng ai myit hpe jahkum shazup ya ra ai re. Tinang a wanglu wanglang shim lum ai prat na pru sa let, matsan jam jau hkrum nga ai, garen gari shingtai hkrum nga ai wa, matsan masha ni hpe manang tai ya let, nga sa sak hkrung ya chye ai hte, mai kaja ai lam hpe lam madun ya chye ai ni byin hkra anhte galaw sa nga ga, shaloi yawng myit pyaw lam lu la na re.