Wa Sarabyin gaw, Kahtawlik Nawku Hpung a Kabu Gara Shiga hte Social Doctrine hte maren, Hkristan ni sut masa lam hte mung masa lam hta shang lawm na lit nga ai lam hpe ahkyak shatai tsun da nga ai. Ndai zawn shang lawm ai lam gaw simsa lam, tara rap ra lam, shinggyim sari sadang, yawng a akyu ara hpe shabyin ya ra ai.

Masha ni a tsin-yam tsindam hpe lanu lahku ai, n tara ai lam hpe ninghkap gasat ai mung masa gaw shinggyim masha ni a shawng lam a matu myit mada shara jaw ya ai lam hpe madi madun nga ai. Majan gaw mung masa hte shinggyim masha ni a hkrat sum ai lam hpe madi madun ai ngu ai Wa Sarabyin Francis a sharin achyin ai lam hpe mung bai myit dum shangun ai.

1. Garan ginhka ai lam hpe yeng seng kau na matu ga sadi jaw ai

Wa Sarabyin Leo XIV gaw sut masa rawt jat lam hta tara rap ra ai, yawng hpe hkap la ai, hpan da ai lam hpe hkungga ai hku galaw ra ai lam sang lang dan lai wa ai. Hpaji masa rawt jat wa ai hte sha n mai byin ai; sut masa gaw shinggyim masha ni hpe galoi mung daw jau ra ai, shinggyim masha ni a uphkang ai npu hta naw nga ra ai.

Grau nna, n-gun kya ai masha ni, shingdu tawn da hkrum ai hpung ni, htawt sit wa ai ni hpe garan ginhka ai lam hpe yeng seng kau na matu grau nna myit maju jung na matu tsun shadut da ai.

2. Bungli Gaw Shinggyim Sari Hpe Hkungga Ra Ai

Magam bungli gaw masha ni tinang a atsam marai ni hpe rawt jat galu kaba wa shangun nna, shinggyim wuhpawng hpe garum shingtau ya lu ai majaw, sut masa hte shinggyim nga pra masa hta ahkyak ai daw langai re ngu Wa Sarabyin ahkyak shatai tsun da nga ai.

Shi gaw bungli n lu ai, zingri zingrat hkrum ai, masha ni a hkamja lam hte asak hpe jahkrit shama ai hkrit tsang hpa bungli masa ni hpe mara shagun ai. Bungli galaw masha ni mung, bungli galaw hpung ni hku nna mung, shanhte a prat hte bungli hpe hkra machyi shangun ai dawdan lam ni hta shang lawm na ahkaw ahkang hte lit nga ra ai.

 3. Mungkan ntsa na arung arai ni gaw Mungkan ting hte seng ai

Wa Sarabyin gaw, Kahtawlik Social Teaching a npawt tara hpe, mungkan ting na arung arai ni hpe mungkan ting de du hkra galaw na ngu ai hpe bai myit dum  ai. Tsun mayu ai gaw,   

Dai majaw sut masa dawdan lam ni hte gumhpraw bang ai lam ni gaw langai hkrai hte wuhpung wuhpawng ni hpe hkam kaja ai sak hkrung lam hpe hkam sha lu na matu galaw ra ai. Ya aten na prat ban ni a ra kadawn ai lam ni hte htawm hpang prat ban ni hpe lit la ra ai lam ni hpe mung rap ra hkra galaw ra ai.

4. Mung Masa Hpung gaw Mung shawa a akyu ara a matu re

Gaudium et Spes’  hpe myit sumru let, Wa Sarabyin Leo XIV gaw, mung masa wuhpung wuhpawng ni gaw, shinggyim sari sadang hte shinggyim ahkaw ahkang hpe makawp maga ra ai lam sang lang dan ai.

Mung masa ahkaw ahkang a yaw shada lam gaw, ahkaw ahkang lu na matu (sh) matut manoi nga lu na matu sha n rai, mung shawa a akyu ara hpe galaw na matu re ai hpe ahkyak shatai tsun  ai. Mung masa hkrang masa hte dawdan ai lam ni gaw buga ginra hte labau masa ni hpe htai ya ai sha n-ga, shinggyim dinghku ting a shimlam hpe myit mada let galaw ra ai.

 5. Nawku Hpung hte Mung Masa Wuhpung Wuhpawng Lapran Mahkri Shawn Ai Lam

Hpang jahtum Wa Sarabyin gaw, Nawku Hpung hte mung masa wuhpung wuhpawng gaw, langai hte langai tinang hkrai uphkang lu ai (autonomous) hte lawt lu ai (independent) re ai lam hpe sang lang dan ai. Raitim, lahkawng yan gaw shinggyim masha langai sha hpe daw jau nna, shanhte a shinggyim nga pra masa hte shinggyim nga pra masa hpe rawt jat galu kaba wa hkra karum ya nga ai.

Dai majaw, Nawku Hpung hte mung masa ahkang aya lu ai ni gaw, tinang a lit magam n bung ai hta hkan nna, tara rap ra lam, ngwi pyaw simsa lam, shinggyim sari sadang, yawng a akyu ara a matu, hkungga lara let jawm galaw sa wa ra nga ai.