Daini na Ja Chyum Mungga hpe hti sumru yu ai shaloi e, Nawku htingnu hpe Yesu yeng seng kau ai lam hpe na chye lu ga ai. Dai ni na Chyum mungga daw langai rai nga ai Shingran laika gaw, anhte a myit hpe hkra machyi ya nga ai. Madu a Lamu Kasa kaw na jaw ai laika katsu hpe sha ai shaloi e, dai gaw nye a n gup hta, lagat ntsin zawn dwi ai raitim mung, dai hpe sha ngut ai shaloi e, nye a kraw hta Hka dik ai namchyim byin nga ai. Dai gaw ga si ni nam nak rawng ai lachyum a majaw rai nga ai. Karai Kasang gaw anhte hte ga shaga ai.

Shing n rai Madu Karai Kasang a mungga hpe anhte madat hkam la nga ga ai.  Dai akyu chyeju ni a majaw, anhte hpe shalan shabran ya ai. Bai kabu pyaw nga ai chyeju ni hkam la lu ga ai. Raitim anhte Karai Kasang a mungga hte maren asak hkrung nga pra sa ai ten ni hta, kalang lang dingbai dingna yak hkak jam jau lam ni law law hte hkrum katut wa ai. Raitim mung Karai Kasang gaw anhte hte arau nga nga ai majaw, anhte gaw hpa hpe mung hkrit tsang na n ra nga ai. Dai majaw shi Madu hta chyu sha manoi nga let sak hkrung hkawm sa nga ga law.

Leave a Reply

Your email address will not be published. Required fields are marked *