Daini na Ja Chyum Mungga hpe hti sum ru yu ai shaloi e, Yeruslem mare hte seng nna, Yesu hkrap ai lam na la lu ga ai. Madu Yesu gaw kabu gara hkaw tsun ai. Masha ni hpe tsi shamai ya ai magam hpe Palistine mungdan a dingda maga de nga ai Galilea mare hta e galaw nga ai. Shi a n ni n kri yu bak hkam la na matu dingdung daw de nga ai Yuda mung a mare kaba rai nga ai Yeruslem de du sa wa ai. Madu Yesu Yeruslem de du sa wa ai shaloi, masha wunawng wuwa gaw, Yesu hpe Mesia ngu hkap la nna, kabu gara ai hte hkap pang hkalum la ma ai.

Raitim Madu Yesu gaw, kade nna ai aten hta e, Yeruslem kaw tinang hkam ra ai n ni n kri yubak lam hte, si ai hpe dum ai aten hta, dai Yeruslem mare hpe mung (AD-70) hta e, Roma hkawhkam wa up hkang nga ai npu hta e hten za mat na lam ga sha-ip hpe ga makoi tsun lai wa sai. Hpa majaw nga yang e, shanhte ni yawng gaw, Madu Yesu du sa wa na hpe n chye ai majaw rai nga ma ai. Madu Karai Kasang gaw, Yesu Hkristu a majaw Yuda masha ni yawng hte hpe hkye hkrang la na matu du sa ai ngu ai tengman tara hpe shanhte n lu hkap la ma ai majaw rai nga ai.

Leave a Reply

Your email address will not be published. Required fields are marked *