


Dai ni November 20, 2026 ( Bat 5 Ya ) jahpawt 9:00 ten hta,
Seng Tawng Jau Ginwang, Jam Ga Mare kaw shanu nga ai, Slg.Dawi Lazum Tu Lum + Jan.Cecilia Lagang Lu yan a kasha,
1. Deacon John Lazum Seng Awng,
Shatapru Jau Ginwang kaw shanu nga ai, Slg.Yawhan Naw Bu Naw Awng + ( Jan Teresa Mai Ji Kaw Awn ), Jan.Lucia Hpauwi Hkawn Tawng yan a kasha,
2. Deacon Paul Naw Bu Tu Hkum,
Shatapru Jau Ginwang kaw shanu nga ai, Slg.Luka Maji Zau Ba + Jan.Teresa Zatang Lum Lam yan a kasha,
3. Deacon Peter Maji Zau Jun Du ni gaw,
Myiktyina Sasana Sagurem wa, Saradaw John Mung Ngawn La Sam a lata hta Htani Htana Jau Shatai ai Sakramentu hpe Hkam la lu sai.

Missa Hkungga hta, Mawlamyaing Saradaw Ginwang na Bishop Maurice Nyunt Wai, Wasaradaw Francis Daw Tang hte Wajau ni, Wuhpung shagu na Mama ni, Brother ni, hpung masha ni law law saw du shang lawm lai wa sai mung rai nga ai
Wajau Ningnan ni gaw-
1.Wajau John Lazum Seng Awng gaw, Maigan Mungdan de matut Karai hpaji sharin sa wa na
2.Wajau Paul Naw Bu Tu Hkum gaw, ( Saradaw Rung a Amu Madu) Lit Magam
3.Wajau Peter Maji Zau Jun Du gaw, ( Alam Jau Ginwang a Ningtau Jau ) lit magam ni hpe gun hpai sa mat wa na matu lit shatsam da hkrum sai mung rai nga ai.
Jau shatai Missa Hkungga ngut ai hpang wa jau ningnan ni hpe shagrau ai lamang hpe matut galaw ai.

Jau shatai Missa Hkungga hpe Edin, San Luka nawku jawng wang hta galaw ai rai nna, nawku hpung masha ni marai (2000 ) jan sa du akyu hpyi shang lawm ai hte angwi apyaw sha galaw la lu sai majaw Karai Kasang hpe chyeju dum ga ai.


