April shata 26, Laban shani hta, Wa Sarabyin Leo XIV gaw, Shaga La Ai Lam Akyu Hpyi ai masat Nhtoi hta, Vatican hta nga ai, San Petru Nawku Htingnu kaba hta, Deacon marai shi hpe Jau aya dang ya lai wa ai. Shi a mungga hta, Jau hkinjawng ni gaw “asak hkrung lam” hte kahkyin gumdin lam a dat kasa ni tai ra ai nna tsun shadum lai wa ai.
Kahkyin gumdin lam Sasana: Jau langai a Hkristu hte matut mahkai ai lam gaw shinggyim masha ni hte grau sung ai matut mahkai lam de woi sa wa ra ai ngu Wa Sarabyin ahkyak shatai tsun shalawm da nga ai. Shi gaw celibacy ngu ai san seng sanpra ai prat hte shinggyim wuhpawng hpe atsawm sha daw jau na matu, hkang zing ai hte bai gram lajang ra ai, dinghku de ai hte bung ai, ap nawng daw jau da ai tsawra myit langai hku nna masat da ra ai.
Tatut magam hta shang tsap gwi ra ai: N tara ai lam ni hte n sim n sa lam ni law law nga ai mungkan hpe hkap la let, Jau nnan ni hpe hkrit tsang ai lam ni up hkang da lam n nga na matu tsun shadut da nga ai. Kan bau bungli (sh) arawng aya ni hta n-ga, Hkristu hta shim lum lam hpe tam na matu hpaji jaw ai.
Ga tsun ga la masa hte bung ai sanseng sanpra lam: Wa Sarabyin Leo gaw, Jau ni gaw shanhte daw jau ai wuhpung wuhpawng ni kaw na sharin la ra ai lam hpe madi madun da nga ai. nawku hpung masha ni gaw, makam masham hta atsam rawng ai ni rai nna, hpang jahtum e, Jau ni hkum nan chyoi pra ai ni tai wa hkra karum ya na re, nga nna, Jau nnan ni hpe shadum ya ai.
“Chyinghka” hte shang lu ai lam
Wa Sarabyin gaw, Yesu hpe ‘chyinghka’ hku nna chyum laika hta lawm ai hpe lakap nna, Nawku hpung hpe hkap la ai lam hte seng nna, tsun shaga ai shaloi:
1. hpaw da ai chyinghka: Jau nnan ni hpe makam masham de shang wa ai lam hpe pat shingdang ai “chyinghka sin ai ni” n byin na matu sadi jaw ai.
2. Jen jep ai ni nre: Karai Kasang a chyeju a matu hpaw da ai lam ni galaw na matu, Nawku hpung gaw masha shagu a matu, grau nna nawku htung hte tsan gang nga ai ngu hkam sha ai ni a matu hkap hkalum la ai shara langai hku nna naw nga nga na matu matsun da ai.
3. Tatut Sasana Magam: Wa Sarabyin gaw, Sagu rem wa kaja hta mu lu ai kam hpa myit hte kam ging ai myit hte lam madun let, htunghking hte shani shagu na sak hkrung lam ni hta shang lawm let, mungkan de “pru hkawm” na matu, Jau ni hpe n-gun jaw dat ai lam chye lu ai.
