Wa Sarabyin Leo XIV gaw Canterbury mare na Saradaw nnan Dame Sarah Mullally hte Kasa Htingnu hta shawng ningnan lang hkrum shaga ai lam rai nga ai. Ndai zuphpawng hta Kahtawlik Nawku hpung hte Anglican Hpung lapran kahkyin gumdin lam hpe matut nna shakut sa wa na hpe madung tawn nna galaw ai re hpe chye lu ai.
Hkrum shaga ai lam a ahkyak ai lam ni
“Laknak n lang ai simsa lam“: Paska aten hpe myit sumru let, Wa Sarabyin gaw Hkristu a simsa lam gaw “laknak n lang ai” ngu ai hpe ahkyak shatai tsun shalawm da ai. Shi gaw, Hkristan ni hpe zingri zingrat ai lam hpe ninghkap nna, htinglu htinglai lam hpe galaw na matu tsun shadut ai, kata lam garan ginhka ai lam gaw, Nawku hpung a shiga hpe mungkan de n-gun yawm shangun ai hpe sadi ra ai.
Bunghku ni hpe lai di ra ai: “Hkum tsup ai kanawn mazum lam” de sa wa na hkrun lam gaw yak hkak ai hte n mai hparan ai shai hkat ai lam ni law law lang hkrum sha nga ai hpe yin la ai raitim, ndai mayak mahkak ni gaw Kabu gara shiga hpe rau jawm hkaw tsun na matu pat shingdang ai lam n mai byin ai ngu Wa Sarabyin tsun shadut da nga ai.
Labau Masa: Wa Sarabyin San Pawlu VI hte Wa Saradaw Kaba Michael Ramsey yan labau shang hkrum shaga ai 60 ning hpring masat masa galaw ai lamang hpe galaw ai. Roma mare na Anglican Center a mung masa hte wenyi lam hta matut mahkai lam ni hpe n-gun jaw ai lam hta matut manoi galaw nga ai lit hpe mung madi madun da ai.
Shaga la ai lam langai sha: Shi a shawng na ningbaw wa a ga hpe bai kahtap tsun let, Wa Sarabyin Leo gaw, Karai hpaji lam hta garan ginhka ai lam ni a majaw, Kahtawlik hte Anglican ni Hkristu hpe mungkan de chye shangun na matu, anhte a bung ai sasana magam bungli hpe n lu galaw ai rai yang, “n hkru n kaja ai lam” rai wa na re, nga nna tsun da nga ai.
