Masha law law shamu shamawt lam ni
80. Tsa ban law law na Hkristan labau hta, matsan mayan ni hpe garum shingtau ai lam, shanhte a ahkaw ahkang hpe madi shadaw ai lam hta, langai hkrai, dinghku, wuhpung wuhpawng, nawku hpung ni sha n-ga, n-gun jaw ai lam ni hpe mung galaw ra ai. Lay masha ni hte hpawng de nna, mung shawa ningbaw ningla ni woi awn ai, mung shawa shamu shamawt lam amyu myu nga ai, ya du hkra nga ai, dai ni hpe n tara ai hku mu mada ai, zingri zingrat hkrum ai pyi hkrum sha nga ai. Ngai tsun mayu ai gaw, “masha langai hkrai hku n re ai sha, yawng mayawng a matu, matsan mayan ni hte n-gun kya ai ni hpe n tawn da ai, ni htep ai wuhpung wuhpawng langai hku nna hkawm sa ai ni yawng hpe tsun mayu ai… ‘Popular’ ningbaw ningla ni gaw, yawng hpe shanglawm shangun lu ai ni rai ma ai… Shanhte gaw, shanhte hkam sha lai wa sai ni hpe n koi gam ai (sh) n hkrit ai ai ramma ni rai ma ai”
81. Ndai mung shawa ningbaw ningla ni chye ai gaw, kahkyin gumdin lam gaw “matsan mayan hte n rap ra ai lam a npawt nhpang lam ni hpe mung gasat gala ai lachyum rai nga ai; bungli, lamu ga hte nta n nga ai; shinggyim nga pra masa hte bungli galaw ahkaw ahkang ni hpe ningdang kau ai lam ni hpe mung gasat gala ai lachyum rai nga ai. Pugang sin machyi ngu ai gaw, mung shawa shamu shamawt lam ni galaw nga ai.” Ndai lam a majaw, n bung ai wuhpung wuhpawng ni gaw matsan masha ni a ra kadawn ai lam ni hpe myit yu ai shaloi, “masha law law ra sharawng ai shamu shamawt lam ni hpe shalawm nna, buga, mungdan hte mungkan ting na uphkang masa ni hpe, n lawm ai ni hpe shalawm ai kaw na pru wa ai akyang lailen n-gun atsam a hka leng hte, langai sha re ai shingran hpe gawgap na matu, n-gun jaw ra ai.” Masha law law ra sharawng ai shamu shamawt lam ni gaw, teng sha nga yang, “shinggyim nga pra masa ni gaw matsan masha ni a matu tara masa langai mi re, raitim, matsan masha ni hte galoi mung n rai, matsan masha ni a matu galoi mung n rai, masha ni hpe bai kahkyin gumdin shangun lu ai masing langai a daw langai mi re ngu ai myit masa hpe tawt lai lu na matu saw shaga nga ai.” Mung masa ninghkring ni hte hpaji ninghkring ni shanhte a ga hpe n madat yang, “democracy gaw n-gun yawm mat nna, slogan, formality langai mi de gale mat wa ai; dai gaw shi a malai tai ai arawn alai hpe sum mat nna, hkum hkrang n tai mat ai, hpa majaw nga yang, dai gaw mung shawa ni a shani shagu na sari sadang a matu gasat gala ai lam hta, shanhte a htawm hpang prat hpe gawgap ai lam hta, n lawm mat ai majaw re.” Nawku hpung a wuhpung wuhpawng ni mung dai hte maren tsun ra ai.
