Readings: Readings: 1st: Wis 6: 12-16; Ps 62: 2-8; 2nd: 1 Thes 1: 13-18; Gos: Mt 25: 1-13
Dai ni, shaning A shaning a sumshi lahkawng ya ngu na Laban shani hta, Madu hpe tam nna, shi hpe hkap tau la na matu galoi mung jin jin rai nga na matu nawku hpung kaw nna n-gun jaw nga ai. Karai Kasang shi nan Hpaji byeng-ya rai nga ai. Shi hpe mu tam nna hkap la ai wa gaw Hkristu Yesu hta hkum tsup ai asak hpe lu la na re. Dai majaw, galoi mung galaw ra ai lam hpe chye lu na matu, Karai Kasang a hpaji byeng-ya hpe hkam la lu na matu, Karai Kasang kaw hpyi nem ra nga ga ai.
Dai ni na daw 1 hta “hpaji byeng-ya hpe tam ai ni sha mu lu ai” ngu ai hpe shadum ya nga ai. Ndai shara hta, Hpaji byeng-ya hpe num langai hku nna hkrang shapraw da ai. Dai majaw, “hpaji rawng ai wa” sha shi hpe mu tam ai. Hpaji rawng ai wa gaw ndai lam hpe myit galu kaba let myit mada let galaw nna, hpaji n mu shi yang galoi mung myit n daw ai. Hpaji byeng-ya hte, anhte gaw grau kaja ai Hkristan ni rai nna, prat a mayak mahkak ni hpe hkam sharang lu na matu grau nna hkyen lajang da ai ni rai ga ai.
Kaja wa myit n pyaw hpa gaw, Karai Kasang hpe gara hku tam nna nawku na hpe chye na matu hpaji byeng-ya jaw ya ai hpe anhte n gawn n sawn di kau ga ai. Hpaji byeng-ya n nga yang, anhte a wenyi lam gaw n-gun n rawng ai hte n rap ra ai; anhte a nawku htung prat gaw, n hkru n kaja ai lam sha rai na re. Hpaji byeng-ya n nga yang, prat hta lam shagu hta sum mat ai ni rai nga ga ai. Hpaji byeng-ya hte, shi hkum nan Hpaji byeng-ya rai nga ai Karai Kasang hpe tam nna, nawku daw jau ga ai. Hpaji byeng-ya gaw Karai Kasang hpe mu tam na matu re.
Daini na daw lahkawng hta, Hkristu lahkawng lang bai du sa ai aten garai n du shi yang si mat sai ni a matu n myit tsang, n yawn hkyen na matu Pawlu n-gun jaw da nga ai. “Myit mada shara n nga ai kaga masha ni zawn shanhte a lam hkum yawn myit: Karai Kasang gaw shanhte hpe shi hte rau woi wa na ra ai.”
Ndai hpaji jaw ga gaw, si mat ai ni bai hkrung rawt wa na ngu ai anhte a myit mada lam hta madung tawn ai re. Dai majaw, hpaji rawng ai lam gaw, shanhte hpe grai myit tsang na malai, anhte hpe myit tsang na matu re. Madu hpe hkap la na matu anhte kade daram hkyen lajang da ai hpe myit yu ra ai. Hkristu lahkawng lang bai du sa na aten hpe masat da ai lam n nga ai hpe sadi ra ai. Pawlu gaw anhte hpe ndai hku sha tsun ai: “Shi sumsing lamu hta dan pru ai shaloi, anhte shi hpe mu lu na ga ai.” Tsun mayu ai gaw anhte galoi mung hkyen lajang da nag aw madung rai nga ai.
Kalang mi hta, marai langai ngai gaw kaga langai hpe, “Na a ga sadi gaw Yesu a Parousia zawn n byin na hpe myit mada ai kun?” Dai hpe shanhte mani kau ma ai. Hpa majaw nga yang, shanhte a matu, Hkristu a ga sadi gaw ya aten hta kaman lila rai nga ai. Shanhte grai na hkra la nga ma ai. Hkristu mung grai na hkra hkring nga ai. Dai majaw, shi hpe kam hpa na matu n ra sai. Raitim, myit su ai ni sha myit galu let ala nga ai. Anhte si mat sai raitim, hkrung nga tim, Hkristu a ga sadi gaw dik wa na re. Shi gaw teng sha du sa na ra ai!
Ndai Laban shani na kabu gara shiga hta, Parousia a matu gara hku hkyen lajang nna sadi maja ra ai lam hpe Yesu gaw mahkawn kasha shi a ga shadawn hpe lang nna sharin ya nga ai. La nnan hpe la nga ai num kasha manga gaw hpaji rawng nna, manga gaw angawk ai ni rai ma ai. Ndai la nga ai masha ni gaw, hpaji byeng-ya hte angawk ai, sumsing lamu hte ngarai, shing nrai kaja ai hte n kaja ai hpe garan ginhka ai lam langai sha rai nga ai.
Mayam wa gaw shi a madu bai wa na aten hpe myit galu let la ra ai. Dai majaw, ala nga ai gaw anhte a matu myit daw myit hten ai aten n rai ging ai. De a malai, atsawm sha hkyen lajang da na matu chyeju aten ladaw langai mi rai ra ai. Dai majaw, anhte gaw hkying hkum shi langai ngu na hta n-gun n rawng ai ni n tai mat ging ai.
Kaga num kasha ni gaw hpa majaw tsawra myit n madun ai kun? Mahtai gaw asan sha re. Dai aten hta galaw na matu dai gaw angawk dik ai lam rai na re. Hpa majaw nga yang, party poi daw mi hta sau yawng htum mat nna, yawng gaw nsin kata kaw rai mat na re. Lahkawng, angawk ai num kasha ni gaw hkyen lajang na aten lu ai majaw, shanhte a pyengdin hta sau n law ai majaw, mara n nga ai.
Yesu gaw lam kaw rai nga ai! Shi a “hpang hkrat ai” ngu ai gaw anhte jin jin n rai ai hpe mara shagun ai lam n rai ging ai. De a malai, shi hpe hkyen lajang nna ala nga na ahkaw ahkang rai ra ai. Dai majaw, anhte gaw aten shagu, shamu shamawt ai lam shagu hta ndai hku rai ra ai: “Nye a wenyi gaw nang hpe hpang gara nga n ngai, Madu e, nye a Karai Kasang e, nye a hkum hkrang gaw hka n rawng ai, katsi katsang re ai lamu ga zawn, nang hpe hpang gara nga n ngai!”