N ding man ai sutgan ngu ai gaw hpa rai ta? N tara ai sutgan ngu ai gaw lawu na hte maren rai nga ai: gumhpraw, sut gan, mying gumhkawng ai, daru magam (sh) ndai mungkan hta anhte hpe mayam shatai ai lam hpa mung rai nga ai. Ndai n ding n man ai sutgan ni gaw anhte a matu shut shai ai shim lum lam hpe shabyin ya ai.

Ndai n ding n man ai sutgan hpe anhte hkum tsup hkra galaw nna kabu gara shangun na ngu ai myit masa hte anhte hkan nang nga ga ai. Anhte hpe galoi mung hkum tsup shangun lu ai (sh) kabu gara shangun lu ai n re ai hpe mu tam na matu sha re. Kaja wa nga yang anhte n ding n man ai sutgan hpe hkan shachyut wa magang anhte a prat gaw katsi katsang rai nna, n-gun n rawng mat wa ai. Nat satan hte grau grau ni htep wa magang re.

Rai yang, ding man ai sutgan (sh) tengman ai sutgan ngu ai gaw hpa rai ta? dai gaw Yesu shi nan rai nga ai! Anhte a prat hta Shi hpe lu da ai rai yang anhte gaw sutgan kaba dik htum hpe madu da sai. Ndai mungkan hta lai nna anhte lu la mai ai sutgan hte sumsing lamu de anhte a lam rai nga ai sutgan.

Anhte law malawng gaw n ding n man ai sutgan hpe nawku ai ni re. La langai mi tsun ai gaw: “Ngai asak kaba wa nna, pension la ai shaloi, ngai asak kaba wa nna machyi makaw hkrum wa ai shaloi, ngai hpe bau maka na matu ra kadawn ai arung arai sutgan yawng hpe lu la na matu, gumhpraw/sutgan tam na matu shakut na.

Hpang shani shi si mat nna, shi naw hkrung nga ai aten hta n ding n man ai sutgan hpe ra sharawng ai myit gaw shi hpe zingri zingrat da sai majaw, kalang ta nat satan wa shi hpe rim la kau ya ai. Anhte mung n teng n man ai sutgan hpe hkan shachyut nga ga ai kun?