LUSHA GAM LADAW LABAN (1), C SHANING
(First Sunday of Lent, Cycle C), 2025
Hkristu hta tsawra hkungga ga ai nu wa hpu nau ni ndai Labab gaw Shaning C a Lusha gam ladaw hta laban ( I ) rai nga ai.
Nanhte a agung alau hkrum ai kaw na hprawng pru wa ai shaloi hkring dat hpe hkum tawn da mu.
Martin Luther King Jr gaw America mungdan hta shinggyim ahkaw ahkang a matu majan shang lai wa ya ai wa rai nga ai..shi gaw American shan chyang masha ni a matu rap ra lam hte shang lawt lu lam a matu shakut lai wa ai Karai magam gun langai mung rai nga ai..shi gaw 1968 ning april shata praw mali ya shani e gap sat hkrum lai wa ai. shi si na shawng shani hta tsun lai wa ai ga langai gaw…ngai a shawng lam e yak hkak jam jau ai nhtoi ni nga nga ai..ratim ya gaw nye a matu hpa nra sai..hpa majaw nga yang ngai bum ntsa du ga sai..kaga masha ni zawn sha ngai mung asak galu mayu nngai..raitim ya gaw ngai dai hpe nmyit tsang sai…ngai galaw mayu ai gaw karai kasang myit ra ai lam sha re..shi gaw ngai hpe bum ntsa de lung lu na ahkang jaw lai wa ai..bum ntsa du nna ngai mada yu ai shaloi ga sadi jaw da ai mungdan hpe mu lu nngai..ngai namhte hte rau n du wa lu ai raitim daini e anhte myu sha ni a matu ga sadi tawn da ai mungdan de du wa na hpe grai chye shangun mayu ai..dai majaw shi hkum nan si hkrum ai lam hpe hkrum katut ai ten hpa myit n tsang sai rai nga ai..bai shi gaw Karai Kasang a ra sharawng ai lam hpe galaw mayu ai sha rai nga ai.
Ndai bat na Kabu Gara shiga hta satan gaw Madu Yesu hpe Karai Kasang a kasha hku nna chyam dinglik lai wa ai..Madu Yesu gaw dai zawn gunglau ai lam ni yawng hpe awng dang lai wa ai rai nga ai..ya na zawn gunglau ai lam ni gaw moi na Israela masha ni a gunglau hkrum ai lam ni mung rai nga ai..Israela myu ni hkrat sum lai wa ai raitim daini e madu hkristu gaw awng dang lai wa ai. Madu Yesu a gunglau hkrum ai lam gaw gunglau ai lam hta nan hkat hkrum ai mara nrai nga ai..dai zawn gunglau ai lam hpe hkan sa wa ai shaloi she yubak mara rai nga ai hpe madun dan nga ai..mara n kap ai Madu Yesu gaw agung alau hkrum tim bai dai zawn gunglau chyam dinglik hkam ngut ai hpang mung mara n nga ai sha rai nga ai.
Hkristu gaw Karai Kasang a atsam hpe shut ai hku jai lang na matu gunglau hkrum lai wa ai. Nhtoi Mali Shi ya tup lusha gam ngut ai hpang Madu Yesu gaw kawsi hpang gara wa ai. dai ten hta shi a ntsa e gunglau ai lam du pru wa ai shaloi shi gaw n gun grai yawm nga ai ten mung rai nga ai..dai aten hta hkristu grai ra kadawn nga ai lam gaw malu masha rai nga ai..satan gaw Karai Kasang ra sharawng ai lam n nga ai sha nlung hpe muk shatai nna sha na matu bai shi hta nga ai atsam hpe shut ai hku jai lang na matu gunglau lai wa ai rai nga ai. n seng ai gunglau lam hpe awng dang ai lam gaw nau n ahkyak ai..tsa chyaru lu sha ai ni hte rau nga nga ai ten tsa chyaru n lu ai sha nga na matu ningdang kau ai tsa n lu chye ai masha gaw ahkyak n rai nga ai..raitim lusha chye ai wa shanhte hte rau nga taw ai ten tsa chyaru lu ai lam kaw na koi gam kau ai lam gaw shakawn ging ai lam langai rai nga ai..kyang lailen ngu ai gaw gawng kya ai lam hpe tawt lai lu ai shadawn shadang rai nga ai..hkristu gaw dai gunglau ai lam hpe hkap la na matu shi hta n gun grai yawm nga ai ten dai gunglau lam hpe awng dang ai hte tawt lai kau ai rai nga ai.
Madu Yesu satan hpe bai nhtang tsun dat ai gaw tara jahprang 8:3 hta lawm ai.. masha gaw muk.hte sha hkrung lu ai nrai ngu nna tsun dat ai.lam.rai nga ai. dai hte maren zai bru jang mali na Isaraela masha ni mung egutu mung na shan di bu hte muk.ni hpe myit dum nna mawshe hte arun hpe anhte gaw madu a lata hte egutu mung e si mat yang grau kaja na re nga nna tsun lai wa ai..dai mung hta anhte gaw shan di bu makau e dung nna muk hpe sha lu ga ai…raitim nan gaw ndai amyu masha ni hpe kawsi hpang gara jahkrum nna si na matu woi wa sanit dai nga nna pru mat 16:3 hta aput angun tsun da ai hpe mu lu ai.
lahkawng hku nna gunglau ai lam hta Madu yesu gaw karai kasang nre ai kaga langai ngai kaw na mungkan mungdan hpe up hkang na ahkang hpe hkap la na matu shadut hkrum ai lam rai nga ai..
ndai gaw karai kasang hta lai na kaga langai ngai hpe mungkan a madu ngu nna masat na matu gunglau ai lam rai nga ai..ndai lam gaw karai kasang hte mungkan arawng sadang lapran na lata la ai lam hpe chyam dinglik ai lam mung rai nga ai..ndai lam gaw karai kasang a shara hta marai langai ngai shingnrai arawng hpe nawku ai lam hte seng nna gunglau ai lam mung rai nga ai..mungkan a arawng sadang hpe hkap la ai gaw satan hpe madu langai hku yin la ai hte mung bung nga ai..mungkan arawng sadang gaw n hkyen ai hte n myit yu ai ni a matu gaw aloi sha gunglau lu dik mai ai lam rai nga ai..karai kasang kaw na sa ai hpung shingkang hpe anhte shakut shaja nna tam ra nga tim..satan kaw na sa wa ai arawng sadang hpe chyawm gaw anhte ja ja ning hkap yet kau ra nga ga ai..satan gaw masu ai ni a kawa rai nga ai..mungkan ga gaw shi a n raitim shi ra sharawng ai wa hpe jaw mai ai nga nna yesu hpe masu tsun lai wa ai rai nga ai..ndai zawn tsun ai lam gaw dandawng ai masu ai ga mung rai nga ai. kaja wa nga yang satan gaw shara n lu ai wa rai nga ai shi hta gaw ngarai wan ngu ai shara hta lai na laga shara n nga ai..shi gaw madu yesu hpe kade daram kam hkra masu lu na kun?..kaja wa sha shi gaw masu ai a kawa rai nga ai.
masum hta e madu yesu gaw kawa a atsam hte makawp maga ai lam hte seng nna chyam na matu gunglau hkrum ai rai nga ai.
nat gaw yesu hpe nawku htingnu a tsaw dik ai shara de woi mat wa nna chyum laika hpe lakap let.. karai kasang gaw nang hpe makawp maga na matu lamu kasa ni hpe hkang dat na ra ai bai shanhte gaw nang hpe lata hte pawn la na mara ai ngu nna tsun ai lam rai nga ai dai ngut nna madu yesu hpe yu hkrat wa na matu shadut lai wa ai rai nga ai. madu yesu gaw dai ga hpe ningdang kau nna na a madu karai kasang hpe nang chyam dinglik lu na nrai ngu nna bai htan tsun dat ai rai nga ai..hkalem hkalau ai tsadan gaw karai kasang hte nawku htingnu hpe mung n hkrit chyum laika hpe mung nhkrit rai..shi a yaw shada ai lam hpe lu na matu dai lam ni hpe shut ai hku jai lang wa ai..shi gaw chyoi pra ai nawku htingnu shara hpe shi a gunglau lam a matu npawt nhpang hku di lai wa ai..anhte mung shara shagu hta grai sadi maja ra nga ai..sadan gaw shara shagu hta shamu shamawt hkawm nga ai.. sadan gaw chyum laika hpe atsawm sha chye na tim shi a myit masin hta karai kasang hte mai kaja lam yawng hpe n dawng nyawt ai myit rawng nga ai wa rai nga ai..mahsa langai a myit masin hta chyum laika na ga si ni hte hpring nga mai ai raitim ahkyak ai gaw karai kasang mungga ni myit masin hta ru jung nga ai n nga ai lam hte she madung rai nga ai..madu yesu gaw karai kasang a astam.hte makawp maga ai lam hpe chyam dinglik hkrum lai wa ai raitim myit daw myit hten ai hte tinang hkum hpe kam lai ai ndai lam lahakwng yan gaw n kaja ai lam ni rai nga ai..karai kasang hpe kam sham ai ni yawng hpe shi a daru magam hte makawp maga na lam pahkam hkam da tim tinang hkum hpe chyam dinglik hkrum na gaw n galaw ging nga ai..majaw madu yesu a ten hta messial re ngu nna masu tsun ai ni law law nga lai wa ai. bai shanhte gaw myit pyaw hpa lam ni hpe galaw ya na nga nna ga sadi jaw lai wa ai ni rai nga ai.
pru mat wa ai laika hta Isarela kawn hka hpyi ai shaloi marab hte meriba kaw karai kasang hpe chyam dinglik lai wa ai lam mu hti nga ai..karai kasang a mahtai gaw n kam n sham ai ni a matu lungkrung kaw na hka lwi pru shangun lai wa ai rai nga ai..dai ten mawshe a matsun gaw karai kasang hpe hkum chyam yu ngu ai lam rai nga ai..lachyum.gaw moi na isaraela mahsa ni n awng dang lai wa ai rai tim madu yesu gaw gunglau lam hpe awng dang lai wa ai..
Tsawra ai nu wa hpu nau ni yesu gaw gunglau ai lam ni hpe awng dawng ai hku na karai kasang hpe ga madat mara ai jet ai Isaraela majing rai nga ai hpe sak se madun dan lai wa ai..gunglu ai lam shagu hta madu yesu gaw awng dang ai hku na lai di wa ai.shi a awng dang lam gaw anhte a awng dang lam mung rai nga ai..shi madu lu lai wa ai awng dang lam shagu gaw shi a sape ni rai nga ai anhte a matu akyu grai nga ai..yesu a awng dang lam a majaw anhte mung shi a myit ra ai lam hpe hkan nang nga ai ni hku na n kaja ai a astam.ni hpe gasat kau lu na rai nga ai.
Akyu hpyi saga oh hpan madu karai kasang e chyeju mahakra matu chyeju dum ai hte nang wa hpe grau nna kam sham tsawra chyechyang lu ai hte nang wa a kabu gara shiga hpe anhte a sak hkrung lam hta hkaw tsun sak se hkam lu na matu ra kadawn nga ai myit yan marai hte n gun atsam chyeju ni hpe mung jaw ya rit anhte a madu hkristu a marang e hpyi nyem nga ga ai.
Hkristu hta tsawra hkunggga ai kanu kawa tara hkaw sara ni hte nu wa hpu nau ni e ndai laban gaw lusha gam ladaw hta. langai.. ngu na lanban rai nga ai hti ang ai ja chyum mungga ni gaw chyum mungga daw langai ..tara jahprang laika 26: 4-10 chyum mungga daw lahkawng Roma 10: 8-13 kabu gara shiga Lk 4: 1-13
Ndai jachyum mungga ni hpe hti nna myit sumru yu let hpawt ni na nawku daw jau lamang ni hpe woi nga ga law
