PRANWAN LADAW LABAN ( XVI )
( Karai Kasang a Mungga ) B Shaning, 2024
Mk 6:34 Mk 6: 34 hta shingrai shi pru nna masha wunawng kaba mu mada ai hte shanhte gaw rem ai wa n nga ai Sagu hpung hte bung nga ma ai majaw, shi shanhte hpe matsan dum nna law law shadum sharin ya mu ai..
Tsawra ai nu wa hpu nau ni ndai laban gaw Pranwan Ladaw Laban ( XVI ) ngu na Laban rai nga ai..
Tsawra ai nu wa hpu nau Sagu ni a lam hte seng nna Sagu rem ni tsun ai hta Sagu ni gaw mungkan e nga ai du sat yam nga ni hta grau nna si mani ai du sat hpan langai re nga nna tsun ai..Sagu ngu ai du sat hpan gaw laga du sat ni hte hkrum yang bai n ginhtang gasat chye ai..sum nung shingdi ai du sat baw hpan rai nga ai..Sagu ni gaw shi hkrai shat malu masha hpe n chye tam sha ai ni mung rai nga ai…Sagu rem wa woi awn ai hpang e hkan nang nna lam hkan mu ai tsing du sat malu masha ni hpe di sha chye ai ni mung rai nga ai…bai nna e dum su ni bainam ni hpe rem yang gaw shanhte a hpang kawn hkang ra ai rai nga ai..Sagu ni hpe rem ai rai yang gaw shawng kaw na tsi lali ai u dat shara nga ai de woi awn sa ra ai rai nga ai..hka jaw mayu yang hka nga ai shara de woi sa ra ai ni..mung rai nga ai..
Tsawra ai nu wa hpu nau ni ndai bat e wenyi malu masha hku nna kaja ai Sagu rem wa hte seng ai lam… bai Sagu hpung.. ngu na anhte ni hte seng ai lam ndai ga baw lahkawng hte n gun jaw garan kachyan mayu ai..
Kaja ai Sagu rem wa ngu ai gaw Madu Yesu shi hkum nan shing te tsun la ai lam rai nga ai..Madu Yesu gaw anhte a wenyi ni hpe lam woi ningshawng ai wa rai nga ai..shi madu gaw shawng kaw na lam woi ai..dai majaw shi a hpang e anhte gaw hkan nang ra ai ni mung rai nga ai…Sagu hpung hpe kasi kaja madun dan ai hte kyang lailen ni hku nna mung n gun dat shakut shaja dan ai hte lam woi ningshawng ya ai wa mung rai nga ai…Madu Yesu gaw shi garai n sharin achyin ya shi yang kasi kaja madun ai kaja ai madu mung rai nga ai..kaja ai Sagu rem wa Madu Yesu gaw sum sing lamu na yu wa ai tengman ai mungga rai nga ai..Madu Yesu gaw sumsing mungdan de du hkra sa ai hkye hkrang la ai lam madung mung rai nga ai…lam jaw teng nna lam n shut na matu makawp maga ya ai hte aung ang ai lam ni n byin hkra ga sadi sak se hkak jaw da ya ai..yawhan 14:6 hta Yesu gaw lam gaw ngai nga nngai tengman ai hte asak mung ngai rai nga nngai ngai hta nna nrai yang gaw kadai mung nye wa hpang de n du wa lu ai..nga nna asan sha tsun da nga ai..
San seng dik chyoi pra dik rai taw nga ninglen Sagu hpung ngu na anhte kashu kasha ni hpe myit grai shang sha nna lam woi ya nga ai.. myihtoi ni a tau nau hkaw
tsun da ai lam hpe jahpring satsup ya ai wa rai nga ai..mawshe a tara upade ni hpe hkan shatup ai..jachyum mungga hte maren hkawm sa lu na matu ra kadaw ai chyeju ni hpe jaw ya nga ai..ndai zawn lam ni hku na kaja ai sagu rem wa madu yesu gaw masha yawng hpe sumsing ja mungdan de lam woi ningshawng ya nga ai..
Tsawra ai nu wa hpu nau ni kaja ai sagu rem wa madu yesu gaw anhte yawng a myit masin wenyi hpe malu masha jaw rai n gun ban ya nga ai… dai majaw malu masha hpan masum nga ai lam hpe tsun dan mayu ai…
shawng nna gaw shi a mungga ngu ai malu masha hku nna anhte a wenyi hpe a gun ban ya ai.lam rai nga ai…mtt 4: 4 shi mahtang htan nna masha gaw muk hte sha hkrung nga lu na nrai karai kasang a n gup hta na pru ai mungga nlang hte hte hkrung nga lu na ra ai..nga nna tsun da nga ai…
1 tim 4: 8-9 kaning rai nme law hkum hkrang hpe jahpan ai lam gaw akyu loi sha mi nga ai raitimung tara hkungga ai myit gaw lam shagu hta akyu nga ai rai nna ndai prat hte raitimung htawmhpang na prat hte ratimung seng ai ga ndat rawng nga ai..dai mungga gaw tengman ai hte gaja wa hkam.la ging ai ga rai nga ai..nga nna tsun da ai hpe mu lu ai..
lahakwng hta gaw shi a shaman chyeju ngu na malu masha hte anhte a wenyi hpe jahkru shakat ya ai lam rai nga ai..tara hkan shadik ai hta yak hkak jam jau lam ni hpe tawt lai lu shangun ai…n gun lu shangun ai bai akyu chyeju ni hpe lu shangun ai akyu pru shangun lam ni rai nga ai..
masum hta gaw shi a hkum hte sai jaw sha ai lam rai nga ai..pru mat 24:8
mawshe gaw dai sai la nna shawa masha ni hpe lapri bun let yu mu sai ndai gaw ndai amu a lam mahkra hta karai kasang nanhte hpe yin la ai ga shaka asai rai nga ai..ngu nna tsun da ai hpe mu lu ai bai nna.. yawhan 6:55 kaning rai nme law nye a ashan gaw tengman ai shahpa raili ai… nye a asai mung tengman ai lu hpa rai li ai nga nna tsun da ai hpe mu lu ai..
eph 1:7-8 shi a ntaw ntsang ai chyeju a majaw mung tsawra htum ai kasha a asai hta nan htingrai htingrat na lam hte yubak raw dat kau na akyu anhte lu la sagaw ai..shi a shawang myit na sung htum ai lam anhte hpe shadan dan yang dai chyeju gaw hpaji byeng-ya hte kunghpan ai lam nlang hte hte anhte hta e law htam wa ai..nga nna mung tsun da ai.
kaja ai sagu ren wa madu yesu gaw sagu hpung rai nga ai anhte ni hpe shi a malu masha hte jaw sha nna n gun ban ya ai sha n ga anhte hpe galoi mung makawp maga ya nga ai..hting nut koi yen mat ai lam ngu ai galoi n nga ai..sagu rem wa madu yesu gaw shi a singkaw shanip npu e anhte hpe bang da nna makawp maga da ya ai..yawhan 10:10 hta lagut gaw lagu na sat na ..hpya sha na nga nna she sa ga ai..ngai chyawm gaw sagu ni asak hkrung lu na hte nhpaw n-ya lu la mu ga ngu nna sa ring ngai..
Tsawra ai nu wa hpu nau ni sagu hpung ngu ai anhte a lam hte seng hpe bai yu ga nga yang.. lam masum mu lu ai..langai hta gaw sagu rem n nga ai sagu hpung gaw gara de sa na nchye rai lam dam mat chye nga ai..kalang marang sagu hpung ngu na anhte ni mung anhte a prat hta e wam wam dam dam rai nga nna prat a lam mahkrun ngu na mat ai hte anhte byin chye nga ga ai..prat a lam mali brum ai shara hta du taw ai nga yang gara lam lata ra na re hpe n chye ai prat a mau hpa mungsung lam byin shangun chye nga ai..dai majaw madu yesu a lam woi ya ai hpang de hkan yang she lam madung ngu na hpe mu lu na re.shakawn kungdawn.23:3 hta
shinggyim prat hta e hkrit tsang lam hte hpring rai taw nga ai sha n ga lam shut mat na zawn htaw de le de zawn rai gunglau lam.ni hte hpring rai nga ai a majaw anhte a matu shimlum dik ai lam ngu na gaw sagu rem wa a hpang e galoi mung hkan nga yang she myit htep shimlum lam lu na rai nga ai….yezejela 34:12-13
dai majaw sagu hpung rai nga ai anhte gaw sagu rem wa madu yesu a hpang de hkan nang nga ai lam chyu sha kaja dik ai lam rai nga ai..
lahkawng hta gaw sagu rem wa n nga ai sagu hpung gaw udat shara hpe tam n mu ai..sagu hpung rai nga ai anhte gaw ndai mungkan hta sak hkrung nga ai ten malu masha lu na matu tam ra ai..shawng lam de matut hkawm na matu n gun atsam ra ai a majaw rai nga ai…..shakawn kungdawn 23:2 tsit lali ai udat shara e shi ngai hpe hpum shangun nna ngwi ai hka kau de woi sa ai..
sagu hpung rai nga ai anhte nawku hpung gaw kaja ai udat shara de du na matu sagu rem wa madu yesu a nhtoi ngu na hpe ra nga ai..mungkan lam.hpe sha tam nga yang gaw tam n mu ai sha n hkru myit ni hte myit n dik rai masa ni sha byin hkrum chye nga ai..shakawn kungdawn 23:3 ..nye a myit masin hpe shi shalan shabran ya nna shi amying nsang a matu mara..dingman ai lam hta ngai hpe lakawn wa nngai…
madu yesu gaw shi a hkum shan rai nga ai asak muk hte n gun ban ya nga ai..yawhan 6: 51 ngai gaw sumsing lamu de na yu wa ai hkrung ai muk rai nga nngai..muk ndai sha ai wa kadai mung htani htana ahkrung nga na ra ai..mungkan ga a asak hkrung nga na matu ngai jaw ai muk chyawm gaw nye a shan rai nga li ai..ngu nna tsun da ai hpe mu lu ai…
masum hta gaw sagu rem wa n nga sagu hpung a matu hkrum katut wa na hkrit tsang lam ni kaw na makawp maga ya na masha n nga ai..lam rai ngavai…tsun mayu ai gaw sagu hpung rai nga ai anhte ni mung sagu rem wa madu yesu hte arau nga nga ai rai yang hpa hkrit tsang shara n nga ai..
Rom 8:39 hta lahta tang na arai lawu tsang na arai hte hpan da mada kaga hpa raitimung anhte a madu hkristu yesu hta e karai kasang a tsawra ai hta na anhte hpe n jahka kau lu na mi ai..ngu nna ngai myit hkut nga nngai law..nga nna tsun da nga ai..
sagu rem wa madu yesu hte rau nga taw ai nga yang sagu hpung rai nga ai anhte a prat gaw shimlum ai hte nga nga lu ai lam madu yesu a hkrak sadi jaw da ai hpe bai sawn dum la nga ga yawhan 10: 28 hta ngai shanhte hpe nhtum nwai asak jaw da we ai rai nna shanhte galoi mung hten bya ai hkrum na nrai..nye a lata na shanhte hpe gade et kashun la ya lu na nrai..nga nna tsun da nga ai..
Tsawra ai nu wa hpu nau ni kanu kawa ni mung kun dingku a sagu rem ai ni rai nga ai..tinang a madu jan a matu tinang a madu wa a matu bai anhte a kashu kasha ni a matu aten jaw ai hku nna shada da hkrum zup ga shaga hkat ai..madat mara hkat ai.. hkap la ya ai..shada lam matsun madun ya ai ndai lam.ni hku na sagu rem wa a lit hpe kangka ai hku gun hpai na ahkyak nga ai. kanu kawa ni gaw kashu kasha ni a matu tau nau hkyen lajang da ya ai lam ni galaw da ra nga ai…
ndai bat na Mk 6: 34 hta shingrai shi pru nna masha wunawng kaba mu mada ai hte shanhte gaw rem ai wa n nga ai sagu hpung hte bung nga ma ai majaw shi shanhte hpe matsan dum nna law law shadum sharin ya mu ai.
madu yesu gaw rem hkang na n nga ai sagu ni zawn rai nga ai anhte hpe matsan dum lama ai zawn tinang a madu jan madu wa kasha kasha ni hpe kabai da nga ai kun…sha na lu na bu na hpun na… laika hpaji.. makam lam ni hte seng nna tinang a kun dinghku ngu na nawku hpung kaji hpe n kabai da ai sha ngang kang ai hte kahkyin gum din ai hku..bai shimlum ai kun dinghku nawku hpung kaji ni hpe gaw de lu ai kaja ai sagu rem wa ni byin tai nga lu myit ga.
Akyu hpyi saga oh hpan madu karai kasang e chyeju mahakra matu chyeju dum ai hte nang wa hpe grau nna kam sham tsawra chyechyang lu ai hte nang wa a kabu gara shiga hpe anhte a sak hkrung lam hta hkaw tsun sak se hkam lu na matu ra kadawn nga ai myit yan marai hte n gun atsam chyeju ni hpe mung jaw ya rit anhte a madu hkristu a marang e hpyi nyem nga ga ai.
Hkristu hta tsawra hkunggga ai kanu kawa tara hkaw sara ni hte nu wa hpu nau ni e ndai laban gaw pranwan ladaw hta. ..shikru … ngu na lanban rai nga ai hti ang ai ja chyum mungga ni gaw chyum mungga daw langai..Yeremia a laika 23: 1-6 chyum mungga daw lahkawng Ehpesu hpung masha ni hpang de san paulu shagun dat ai laika 2: 13-18 kabu gara shiga Marku 6: 30-34
Ndai jachyum mungga ni hpe hti nna myit sumru yu let hpawt ni na nawku daw jau lamang ni hpe woi nga ga law
