HTAI YA AI WA – Wa Jau Dr. Josephn Gawlu Yung Wa
Ga San -Karai kasang a Tara Kanu Lam Shi hta rawng ai, “Na a Madu Karai Kasang a Mying Ningsang hpe kaman lila hkum gang hkum tsun et,” nga ai.
Anhte gaw hkrit, kajawng nna “e Wa Karai Kasang e hkye la rit” “e Karai Kasang” nga kajawng nna tsun hkrup kau yang, mara lu na kun?
Bai ka hkrang hkan e, wudang masat hpe hkrang shala ka manawt ai gaw Tara Lam ni hpe tawt lai sai kun?
Karai Kasang a Mying Ningsang hpe “n hkungga ai hku, mana shachyoi, mani hpa shatai, shala jahta” re ai kaw n mai lang ai. Bai, Karai Kasang a Mying hte dagam ai, tinang hkan shadik na n myit ai hpe htuk tsawm hkra sha gasadi tawn ai lam ni gaw mara rai nga ai. Karai Kasang a Chyoi Pra ai Mying Ningsang hpe shagrit shayawm kau, n gawn n sawn di kau ai gaw shut hpyit mara kaba rai nga ai.
Manau ka ai, nawku daw jau ten ni hta Wudang Masat hpe ka, hkrang shala ai gaw Karai Kasang a Hpung Shingkang hpe shagrau awlaw ai lam rai nga ai. Tinang hkrit kajawng ai ten hta “Karai Kasang” Mying hpe gang shaga ai gaw Shi hpe kam hpa ai lam rainga ai.
San Ai Wa – Nmawk Jau ginwang, Goi Kahtawng, Zaibru Yang kaw nga nna, ya, sumtsan kaw du taw nga ai
Fransica Jangma Bawk Ja
