Gam garan jaw ya ai wa rai yang, lahpawt n chye ai myit hte garan jaw u. Bai up hkang ai wa mung, n gun atsam marai mahkra hte up hkang u. Garum matum bungli galaw ai wa rai yang e mung, kabu sharawng awng ai myit hte garum ya u. Ndai Kasa Pawlu a tsawm htap la ai chyum mungga daw gaw, anhte hkristan prat hta, sumnung shingdi myit malang ai ding hpring ai. Dam lada ai tsawra myit hte sak hkrung na n gun jaw ya nga ai. N dai lam hpe San pra ai Charles Borromeo mung hkap la nga ai.

San pra ai Charles Borromeo tsun ai hta, Jau ni hte hkrum zup ai ni gaw, matsan dum ai lam hte hkam sha lu nga mu ga. Dai hte maren hpung masha ni a prat hta e mung, akyu hpyi ga ni hta n’gun marai dat let, Madu Karai a kashu kasha ni rai nna, Madu a hpung shingkang a matu, awng sharawng ai hte sak hkrung nga na matu n’gun jaw ya ai. San pra ai Charles Borromeo gaw Karai Kasang a tsawra myit hta pyaw ngawn ai lam hpe tam na matu, anhte hpe saw shaga nna, anhte a galaw sa ai lam ni mahkra gaw, tsawra myit hpe madun na matu ahkaw ahkang rai nga ai hpe mu chye lu na sharin ya nga ai.