Ya daini na ga shadawn gaw, n kaja ai sahti wa a ga shadawn hte n bung nga ai. N dai n hkru ai sahti wa gaw, kaning re ai mang hkang byin wa na hpe n mu ai. Shi a lusu ai lam gaw, shi hpe prat tup shim lum lam lu jaw na re ngu ai hpe shi teng sha kam ai. Teng sha nga yang dai shana gaw, shi prat a jahtum rai nga ai. N dai chyum laika hta, Madu Yesu gaw, n ding hpring ai kunhting wa hpe shakawn taw ai zawn rai nga ai. Dai gaw kaja wa tsun mayu ai lam n re ai.

Mungkan sutgan a matu myit mada lam kaba hte tam mahkawng nga ai ni zawn, anhte mung wenyi lam hte nawku hpung a lam yan ni hta, dai zawn, n’gun nyan marai ni hte shakut na matu Madu Yesu tsun sharin ya ai lam rai nga ai. Wenyi lam hta myit mada lam nga ai gaw, sumsing mungdan hte seng ai lam ni hpe grau madung galaw chye wa ai. Madu Yesu gaw, hpaji rawng nga mu. Nyan hpaji hpe hkum malap da, hpa majaw nga yang e aten ni wa sai. Sumsing mungdan gaw, lalam mi kaw sha nga nga ai nga nna Madu Yesu tsun shadum taw nga sai hpe yawng dum shai let maja nga ga law.