Anhte shiggyin masha shada da kanawn mazum lam hta, tara rap ra ai hte matsan dum lama ai lam ngu tut e nga nga ga ai. Langai hte langai shada chye na hkat ai hku kanawn mazum ai rai tim, ra a hkyak wa yang, matsan dum lama ai lam hpe grau madun tawn ra nga ai. Dai gaw matai htang ai ngu ai ladat the kaga ga rai nga ai. St. Leo gaw, matai hkum htang, madu hpe hkra machyit ai ni hpe mara raw ya u. Mara tam ai ni hpe si mani ai hte, myit yaw shada lam n bung pre ai hpe simsa lam hte bai madun dan ra ai.

  Akyu hpyi ai hte mara dan ap nawng ai hku n na, anhte a prat gaw Madu Karai hpe kasi la ai hta n ga, lu sha gam ai ladat hku n na mung anhte a lagawn lamawn re ai, maji myit gyip ai mara ni hpe hkyam sa hpyi nem ra ai. Madu Yesu sharin ya hte maren, anhte hpe a lang lang shut ai ni hpe mung, tsawra myit the mara raw ya ai rai yang, anhte a myit masin ni grau hpring zup wa ai. San pra ai Leo tsun da ai. Dai gaw, A lu ai tara lam matsat hta na mara rawt dat ya ai lam gaw, ningpawt madung nan re. Matsan chye ai ni gaw A lu ma ai. Hpa majaw nga yang shanhte gaw, matsan dum lama ai hkrum lu na ma ai. Shingrai anhte yawng matsan dum lam chye ai ni rai nga yang, Karai Kasang mung anhte hpe matsan dum lama la na teng sha re.