Daini na Ja Chyum Mungga hpe hti sum ru yu ai shaloi e, Manggang kap ai marai shi hpe Yesu shamai ya ai lam na lu ga ai. Nawku hpung a kahkyin gumdin lam hta n hkrum n ra ai majaw, hten za mat n na, dai n hkrum n ra byin ai majaw Madu Yesu hpe anhte yawng rau jawm sak se hkam ai lam ni mung akyu hkam sha lam n nga mat nga ai. Dai majaw grau gahkyin gumdin lam lu na nna, San pra ai Jushpat gaw shi a asak hpe pyi ap nawng kau kau sai re. Shi gaw Polan mungdan kaw nga kaba wa ai re. Ordordok makam masham kaw na kaba wa ai wa mung re.

San pra ai Jushpat gaw, Nawku hpung bai gahkying wa na matu, shi a makam masham hte Taw ra langai mi byin wa ai. Nawku hpung gahkyin gumding wa ai hpe makawp maga na ngu ai ga baw hte, nawku hpung shawng na kahpu kawa ni a laika ni hpe gahkyin gram galaw ai. Dai majaw shi hpe Plock mare a saradaw kaba lit shatsam ya ai. Shaning 1623 hta, nawku hpung gahkyin wa ai lam hpe ninghkap ai ni gaw, shi Bila myu de sa wa lam kaw sat kau ai. Raitim dai masha sat ai ni gaw, myit malai lu ma ai. Madu Yesu kyu hpyi ya ai zawn, kahkyin gumdin lam hpe manu shadan shakut lu na matu, nawku hpung a ningbaw ni a matu, anhte yawng akyu hpyi ya ga law.