Daini na Ja Chyum Mungga hpe hti sum ru yu ai shaloi e, Karai Kasang a mungdan gaw, masha ni a lapran e rai nga ai. Mother Cabrinigaw miwa mung de sasana sa mayu ai mama  re nga ai. Shi a amu magam gaw, ndai mungkan ntsa hta e, Sumsing mungdan hpe shachyam shabra gaw de na matu ngu shamying tawn da nu ai. Ndai shachyam shabra ai lam gaw, shingra makau grupyin shara ginra ni hta, tawt lai nna, sumsing mungdan gaw, anhte a salum kata hta nga ai hpe ngu mayu nga ai. Madu Karai hte arau nga nga ai hte, makawp maga ya ai chyeju ni gaw, anhte yawng hpe ga-up da ya nga ai re.

Anhte sha ndum shami nga ga ai raitim, Karai Kasang gaw, anhte a ga ang e nga nga ai. Shingrai nawku hpung a sasana galaw shakut ai gaw, Madu Yesu a kabu gara shiga, Karai a tsawra ai hte anhte a ga ang e nga nga ai hpe anhte yawng chye maram wa na matu rai nga ai. Dai gaw Mother Cabrini shi a prat ting hpe ap nawng da ai mungdan chyam bra raw jat wa na matu ngu ai shi a yaw shada ai lam nan re. Dai zawn sha ya anhte a mungdan kaw byin hkrum nga ga ai ndai matsan jam jau ai kaw na lawt lu na matu hte prat a shim lum lam lu la na matu, tinang a mungdan hpe tawn kau da let, hprawng hkawm mat wa ai ni yawng mung, shim lum nga mu ga. Karai Kasang gaw shanhte hte rau nga nga ai, ngu ai hpe shanhte chye mu ga.