Anhte gaw amyu, amyu ru sai, amyu bawsang, sut masa, myit masa n bung tim, shinggyim dinghku langai sha rai nga ai. Anhte gaw gara kaw mi nga tim, anhte a hpunau ni hpe bau maka ai ni rai nga ga ai. Htingbu wa hpe tsawra ai gaw, machyi nga ai mungkan hpe tsi ya ai the bung nga ai. Kahkyin gumdin lam a kaja ai lam a madung gaw tara rap ra lam hte simsa lam hpe tam ai lam rai nga ai. Wa Sarabyin Pawlu (VI) gaw simsa lam hpe ra ai rai yang, tara rap ra ai lam a matu shakut shaja u, nga nna sharin ya nga ai. Kabu gara shiga gaw anhte hpe simsa lam galaw ai ni tai na matu shaga nga ai. Anhte a nauna ni yawng hpe tsawra ai myit gaw, zingri zingrat ai lam hte manghkang ni hte shinggrup da ai mungkan hta simsa lam hpe shabyin ya na matu saw shaga nga ai.
Chyum daw nkau mi
Ningpawt Ninghpang 12:1-3. Karai Kasang gaw Israela hpe shaman ya ai gaw, dai hku nna amyu baw shagu shaman chyeju hkam la lu na matu rai nga ai.
Shakawn Kungdawn 72 Kaga masha ni hte tengman ai hku hkau lam hta asak hkrung ai gaw simsa lam lu shangun ai.
Shakawn Kungdawn 122 Ngwi pyaw sim sa nga u ga law! Madu a matu, nanhte a akyu hpe ngai tam na nngai.
Zehkaria 8:16 Nang galaw ra ai lam ni gaw, teng man ai ga tsun u, kaja ai hku dawdan u, simsa lam galaw u.
Mahte 5:9. Simsa lam galaw ai ni gaw a lu ma ai, shanhte hpe Karai Kasang a kashu kasha ngu nna shamying na mara ai.
Mahte 5:21-24. Tawn hkungri de n du shi yang, shada da htinglu htinglai nga mu.
Roma 13:8-10 Tengman ai hku asak hkrung ai ngu ai gaw shada da tsawra hkat ai lam rai nga ai.
1 Korinhtu 12:12-26 Hkristu a hkum hkrang daw langai mi tsin-yam tsindam hkrum yang, yawng tsin-yam tsindam hkrum nga ai. Daw shan langai mi shagrau sha-a yang, yawng mayawng kabu gara nga ma ai.
Kolose 3:9-17. Yawng hta grau nna, tsawra myit hpe bu hpun nna, Hkristu a ngwi pyaw simsa lam hpe nanhte a myit masin hta up hkang nga u ga.
1 Yawhan 3:16-18 Anhte hta nga ai Karai Kasang a tsawra myit hpe Hkristu anhte a matu galaw ya ai zawn kaga masha ni a matu anhte a asak hpe ap nawng kau mayu ai myit hte sakse hkam ya nga ai.