Daini na Ja Chyum Mungga hpe hti sumru yu ai shaloi e, jahtum ning htoi a kumla ni hpe na chye la lu ga ai. Belshazzar hkawhkam wa gaw, grai gumrawng gumtawng ai wa, awng dang ai wa, lusu sahti kummi kaba wa mung rai nga ai. Dai majaw shi gaw grai hkik hkam ai hte arawng la let, poi ni hpe galaw nga ai. Dai shi galaw ai shingni lata maka hpaji gaw grai nan, hkik hkam arawng la let dai poi hpe galaw dan nga ai. Bai Babylon muklung kaba dang manga kau lu ai a madung lam a ningpawt mung rai nga ai.
Shingrai Jeruslem nawku htingnu kaw na zing la kau ai Ja gumhpraw gawm ni hpe lu lai sha lai nangm pyaw daw kadaw ai kaw sung lang nna, n gawn n sawn di sung lang na matu masat da ma ai. Shanhte gaw dai chyoi pra ai gawm ni hpe sung lang nna, awu asin, n gawn n sawn galaw ma ai. Dai zawn re ai shi a lai ladat gaw n kaja dik ai gum lau ai lam rai nga ai. Dai shi a n kaja ai arawn alai hpe, Madu Karai Kasang gaw, tara jawat ya sai lam chye lu ai. Shingrai shiga madat ni e, anhte ni kaw nga ai gumrawng gumtawng ai lam gaw, anhte ni pyi n kam na zawn, kaga masha ni hpe shakawng nna, arawng mala chye nga ga ai raitim, madu Karai gaw dai lam ni hta, grau nna, mai kaja ai wa nan re hpe n mai malap nga ga ai law.