April 14, Bat 2
Yawhan 3:7-15
Daini na Ja Chyum Mungga hpe hti sum ru yu ai shaloi e, Mawshe a makam masham hte Lapu sum la a mau hpa kumla hpe na chye lu ga ai. Dai ni na kabu gara shiga (Yawhan 3: 14) hta, Nam mali hta e, Lapu sumla hpe sharawt da ai. Lapu a chye hkrum n na, a ri dan hkam sha nga ai Isael masha ni a lam hpe sadi jaw da ai rai nga ai. Karai Kasang gaw, Mawshe hpe magri lapu sum la hpe shadaw kaw shakap da n htawm, Lapu a chye hkrum ai ni dai lapu sumla hpe yu ai shaloi bai mai tsai wa lu nga ai. Madu Yesu a Wudang hpe yu ai shaloi, dai mada ai lam gaw, makam masham ningmu nan rai nga ai.
Wu dang n`tsa hta nga ai wa gaw, galu kaba ai Hkawhkam wa rai n na, Wu dang gaw, Madu Yesu a Tawn hkungri rai nga ai. Dai Wu dang gaw hkrit hpa n rai. Tsawra myit hte jam jau hkam ai tsaw a myit Madu hpe mu mada lu ai nan rai nga ai. Dai Wu dang a hkye hkrang la ai a marang e, hpung dagu gaw, Madu Yesu hkrum sha ai n ni n kri hta n rai nga ai. Madu Yesu a tsawra myit hta sha madung rai nga ai. Nang ngai yawng tut e Madu Yesu a Wudang hpe yu mada let akyu hpyi ga. Madu Yesu a tsawra myit a matu chyeju dum nga ga. Anhte ni tut e Karai Kasang kaw chyeju hpyi la chye ra ga ai. Oh Madu Yesu e Ngai a myit mang yaw shada, tsun shaga galaw sa ai lam ni nang madu a tsawra myit the ap nawng daw jau lu na lam madum nga ya rit law.
