17 APRIL, BAT MANGA YA
Yawhan 6:1-15
Daini na Ja Chyum Mungga hpe hti sum ru yu ai shaloi e, Masha hkying manga hpe Yesu lusha shalaw jaw sha ai lam na la lu ga ai. Madu Yesu a matsan dum lama ai hte wang lu wanglang re ai mai kaja ai lam hpe dai ni na kabu gara shiga hta, Muk tawng manga the Nga lahkawng a mabyin kaw e mu lu nga ga ai. Mady Yesu galaw sa ai shamai shatsai ya ai. Bai mau hpa namik kumla hpe mu mada n na, Madu a hpang de kam hpa ai hte hka nang wa ai masha Wu nawng hpe yu n na, matsan dum ai hte wenyi mungga jaw ya sai re. Masha wu nawng a kawsi hpang gara ai hpe jahkru ya sai rai nga ai.
Madu Karai Kasang a lata htadu mat wa ai n dai kaji sha re ai Muk Nga gaw, mau na zawn re law htam mat wa ai hpe yu dat ai shaloi e, mai kaja dik ai matsan dum lahpawt ai myit n nga ai Ninggawn Madu Karai gaw, anhte hpyi ai hte maren tut e jaw ya ai re. Anhte ra ai shagu hta e, anhte hpyi ai mi rai rai, n hpyi ai mi raitim pi, shi jaw ya nga ai. Shingrai San Paulu a Chyeju gaw anhte a matu ram la nga ai ngu ai ga si gaw, anhte a ga lashum nan rai grin nga ai. Madu Yesu gaw, Muk hte Nga hpe ga garan n htawm, Kasa ni hku n na, masha wu nawng wu wa hpe jaw sha nga ai. Dai gaw Missa hta e, Chyoi pra Hkum hpe hkam la ai hte bung nga ai re. Shi a tsawra myit hpe madung da n na, gam garan ya ai lam rai nga ai. Anhte mung Kasa ni zawn, anhte a lai kyang tsun shaga myit sawn sum ru ai lam ni Madu Karai hpe jaw lu hkra shakut sa nga ga law,
