Daini na akyu hpyi sumru yu na ga baw hpe: “Abide in the Vine, Tsabyi ru hta nga nga u.” ngu la ga.
Shawng nnan, Yawhan a Kabu gara shi ga hpe madat la ga,
“Tsabyi lakung gaw tsabyi ru madung hta n jung n noi yang gaw, shi chyu sha asi nsi lu ai zawn, nanhte mung ngai hta n jung n noi myit yang gaw, asi n si lu na myit dai.” Yawhan 15:4.
Hpan da ai lam yawng gaw ahkyak ai wenyi npawt tara ni hpe dan dawng hkra madun dan ai lam mau hpa re nga ai. Roma 1:20 hta “Kaning rai nme law, shi a n mu lu ai atsam marai ngu ai, shi a htani htana atsam hte Karai Kasang a arawn alai gaw, ginding aga hpe hpan da ai aten kaw nna, shi galaw da ai arai ni hta, asan sha mu lu nga ai” nga nna tsun da nga ai. Yoba 12:7-9 hta “Rai ti mung dusat ni hpe san yu mu, shanhte nang hpe sharin ya na ma ra ai, ntsa malen pyen ai u ni nang hpe tsun dan na ma ra ai, shing nrai, ga ntsa na singwum ni nang hpe sharin ya na ma ra ai, nammukdara na nga ni mung nang hpe tsun dan na ma ra ai, ndai lam yawng mayawng hte hta na kadai wa n chye nga a ta? Kabu Gara Shiga laika buk ting hta, Yesu gaw wenyi npawt tara ni hpe grup yin na hpan da ai lam ni hte shingdaw dan ai. Hkauna nli (Mahte 13:31-32) hte manu dan ai lung seng (Mahte 13:45-46) ga shadawn kaw nna, nam maling na hpun hte ntsa na u ni a lam rau (Mahte 6:25-34), Karai Kasang gaw hpan da ai lam hte ahkyak ai Wenyi lam ni hpe hkap la na matu jai lang ai dan dawng nga ai.
Dai ahkyak ai npawt tara langai hpe Yawhan 15:1-17 hta mu lu ai. Ndai daw kaba 4 hta Yesu tsun ai gaw, “Tsabyi lakung gaw tsabyi ru madung hta n jung n noi yang gaw, shi chyu sha asi nsi lu ai zawn, nanhte mung ngai hta n jung n noi myit yang gaw, asi n si lu na myit dai” nga ai. Tsabyi ru langai mi asi si ai lam hpe jahkring mi myit yu u. Tsabyi ru a lakung ni hta asi si na matu aten, myit galu ai hte malu masha ra ai. Karai Kasang hta nang ngai mung dai hte maren rai nga ai. Anhte hta Karai Kasang hta nga ai law dik htum ai asak npawt nhpang nga ai. Karai Kasang gaw, law htam ai asak asi si lu na matu, shi hta asan sha sa nna nga nga na matu, myit galu let anhte hpe la nga ai. Bai nna, tsabyi ru kaw na asi si ai shaloi, shi a asak npawt nhpang hpe sum mat ai. Karai Kasang a asi hpe tut nawng si lu na matu, Karai Kasang jaw mayu ai yawng hpe hkam la lu na matu, anhte a tsabyi sun de aten shagu bai nhtang wa ra ai.
Nang gaw sumsing Kawa hte hku hkau lam nga na matu she hpan da hkrum ai. Karai Kasang gaw tsabyi si hpe tsabyi ru hte matut mahkai nna sha tu kaba wa na matu hpan da ai zawn, nang mung Karai Kasang hte na a langai sha re ai, teng man ai npawt nhpang hku nna hku hkau lam a matu hpan da ai. Teng man ai asak hpe kaga hku jaw ya ai lam n nga ai. Shi hta nga nga ai hta lai nna, law htam ai asak hpe hkam sha lu na matu kaga lam n nga ai. Shi a man e aten jaw nna hkring sa la nna, shi anhte hpe jaw mayu ai hpe hkam la lu ai gaw, shani shagu galaw lu ai ahkyak dik ai lam rai nga ai. Shi n lawm ai sha anhte shakut nna asi si ai shani ni gaw ndai prat a myit tsang lam ni hte myit ru myit tsang lam ni hte anhte hpe shinggrup kau na shani ni rai nga ai. Chyoi Pra ai Wenyi gaw, shani shagu na aten shagu, shi a nga nga ai ngu ai asi hte nang hpe jahpring ya na hpe ra sharawng nga ai. Nang kaw na ra ai lam gaw, na a lam hku n hkawm ai sha, shi a nga nga ai tengman ai lam hpe hkan nang na sha rai nga ai. Tinang a chye na hkawn hkrang ai lam hpe kam hpa na malai, shi kaw na madat mara nna hkam la na matu lata la u.
Karai Kasang a chyeju hte anhte a npawt nhpang hku nna shi hpang de galoi mung bai nhtang wa lu na re. Anhte hkum anhte tsabyi ru hte matut mahkai nna Karai Kasang chyu sha jaw ya lu ai asak hpe hkam la lu na matu galoi mung n hpang hkrat ai. Shi hte hkrum katut ai hku nna sha lu la mai ai bai gram lajang ai lam hpe hkam sha lu na matu galoi mung n hpang hkrat ai. Bai nna, htani htana manu dan ai asi si na matu galoi mung n hpang hkrat ai. Karai Kasang gaw dai ni kaw nna nang a matu mau hpa masing ni nga ai. Shi a chyeju gaw jahpawt shagu ningnan rai nga ai. Yaku 4:8 hta “Karai Kasang hpang de sit sa wa mu, shi mung nanhte hpang de sit sa wa na ra ai” nga nna ga sadi jaw da ai.
Karai Kasang hpe na a npawt nhpang hku nna ap nawng na matu aten la nna, shi nang hpe jaw mayu ai yawng hpe hkam la u, shi a n-gun ja ai atsam hta nga nga nna, na a tengman ai myit dik lam hpe tam la u.
Ya, asim sha akyu hpyi sumru yu ga:
1. Tengman ai tsabyi ru rai nga ai Karai Kasang hte matut mahkai nga ra ai lam hpe myit sumru yu u.
“Tsabyi lakung gaw tsabyi ru madung hta n jung n noi yang gaw, shi chyu sha asi nsi lu ai zawn, nanhte mung ngai hta n jung n noi myit yang gaw, asi n si lu na myit dai.” Yawhan 15:4.
2. Karai Kasang kaw shi nanhte rau nga ai hpe nang chye lu na matu hpyi nem u. Shi a nga nga ai lam gaw teng sha rai nna, hkam sha lu ai lam rai nna, shi a chyeju hte nang shi hpe hkam sha lu na re ngu ai shi a ga hpe kam u.
“Makam masham n rawng yang gaw, Karai Kasang hpe sharawng awng shangun lu ai n rai: kaning rai nme law, Karai Kasang hpang de sit sa mayu ai wa kadai mung, Karai Kasang nga nga ai hpe mung, shi hpe tam ai ni hpe chyeju jaw nga ai hpe mung, kam sham lu na rai nga ai.” Hebre 11:6.
3. Na a Karai Kasang hpang de sit sa nna, shi a man e asak hpe tam nga u. Nanhte rau nga nga ai Karai Kasang hte na a prat hta hkrat sum mat ai hte n-gun kya ai shara ni hpe shamai shatsai ya na ahkang jaw u. Shi a Wenyi gaw shi a hkum tsup ai tsawra myit hte hkraw hkun ai shara ni hpe jahkring ya u ga. Karai Kasang hte rau aten la nna, hkring sa nga u. Wenyi gaw na a prat hta shi a nga nga ai a asi hpe matut manoi si lu na matu npawt nhpang tawn da ya ai zawn, tsun shaga ai hte shamu shamawt ai lam hpe abwi sha rai nna galaw nga u.
“Wenyi a asi chyawm gaw tsaw ra ai, kabu gara ai, ngwi pyaw ai, shakut sharang ai, matsan dum ai, mai kaja ai, kangka ai, matsan dum ai hte tinang hkum hpe hkang lu ai rai nga ai: dai hte hpe hkum pat lu ai tara n nga ai.” Galati 5:22-23.
Kam sham ai hpung masha hku nna anhte gaw Chyoi Pra ai Wenyi hte rau sak hkrung ai, myit ai, galaw ai, hkam sha na matu hpan da hkrum ga ai. Anhte gaw Karai Kasang a man hta, Madu Yesu a prat, si hkam ai hte bai hkrung rawt ai lam asak hkrung hkawn sa ra nga ai dai hta jan ai kaga asak hkrung ai lam nnga ai.Karai Kasang hpe ra kadawn nga ai hpe yin la na shagrit shanem ai myit hte shi teng sha nga ai, shi hta grau kaja ai, asi si ai prat de anhte hpe lam madun ya na hpe kam sham ai makam masham anhte hta nga u ga.