Roma mare de bai wa ai lahkawng ya sha naw rai yang, Wa Sarabyin Leo XIV gaw, June shata praw 6-12 ya shani, Kasa Hkrun lam hta, Spain mungdan masha ni kaw nna hkap tau hkalum la ai majaw, Karai Kasang hpe chyeju dum ai lam tsun dan ai.
“Ngai hpe myit rawt let hkap tau la ai Spain mungdan masha ni hpe chyeju dum ai” nga nna, laban shana maga na Angelus mungga hta tsun lai wa ai.
Laksan hku nna Wa Sarabyin hpe Madrid hta hkap tau hkalum la ai hte hpang jahtum Canary zunlawng hta shakram ya ai Hkawhkam Felipe VI hpe chyeju dum ai lam tsun ai.
Wa Sarabyin jawn ai nbungli jak loi mi manghkang byin ai majaw, Hkawhkam wa gaw Wa Sarabyin Leo hpe shi a nbungli lang na matu tsun ai majaw, Wa Sarabyin hpe bat Manga Ya shana de Roma de atsawm sha bai du wa sai rai nga ai.
Shi a sa du gawan ai lam hpe hkyen lajang ya ai masha law law hpe mung, Wa Sarabyin hpe hkap tau hkalum la na matu, makam masham hpung masha ni hpe lam madun ya ai Spain Mungdan na Saradaw ni hpe mung chyeju dum ai lam tsun ai.
“Grau nna Hkawhkam wa hpe chyeju dum nngai” nga nna Wa Sarabyin Leo tsun da nga ai. “Spain mungdan na Saradaw ni hpe mung, ngai sa du hkawm ai buga yawng hpe mung, Spain mungdan na Nawku hpung ting hpe mung, tsawra myit hte chyeju dum nga nngai, Karai Kasang gaw Spain mungdan hpe galoi mung shaman ya u ga law!” nga nna shaman ga the tsun lai ai.
