Wa Sarabyin Leo XIV gaw, bat Lahkawng Ya shani Vatican Kasa Htingnu hta Dingda Korea Gumsan Magam Lee Jae-myung hpe hkap tau hkalum la lai wa ai. Wa Sarabyin hte hkrum shaga ngut ai hpang, Gumsan Magam Lee gaw, Cardinal Pietro Parolin hte Wa Saradaw Kaba Paul Richard Gallagher yan hte mung bawngban jahkrup lai wa ai.
Ndai bawngban hpawng hta, 1963 ning hta hpaw ninghtan da ai, shaning 63 ning laman matut nna rawt jat galu kaba wa ai, Sarabyin Rung hte Korea Mungdan lapran ngang kang ai mung masa matut mahkai lam hpe madi madun nga ai. Ndai zuphpawng hta 1984 hte 1989 ning laman Wa Sarabyin Yawhan Pawlu II, 2014 ning hta Wa Sarabyin Francis gaw 6 lang ngu na Asia Ramma Nhtoi a matu sagu rem sa du kawan lai wa sai lam ni hpe bai myit dum ai lam galaw ai rai nga ai.
Holy See Press Office kawn tsun ai hta, ndai bawngban hpawng hta Korea mungdan na Kahtawlik Nawku hpung a ahkyak ai karum shingtau lam hpe mung, grau nna hpaji lam hte shinggyim nga pra masa lam ni hta, masat masa galaw ai lam galaw ya lai wa ai
2027 Mungkan Ramma Nhtoi a matu hkyen lajang ai lam ni hte ginra hte mungkan lam ni hpe bawngban ai lam ni lawm ai, simsa lam hpe jawm galaw na myit mada lam ni mung lawm ai hpe mung chye lu ai.
