Daini na Ja Chyum Mungga hpe hti sum ru yu ai shaloi e, Madu Yesu gaw, Martha hte Maria a kanau Lazaru hpe bai jahkrung la ai lam hpe na lu ga ai. Daini nawku hpung gaw, San Martha a poi ninghtoi hpe myit dum galaw ya ai re. Shi gaw San Maria hte Lazaru yan a kana rai nga ai. San Martha gaw, Madu Yesu gaw, si ai kaw na bai hkrung rawt ya lu ai wa, jahtum chyalai asak jaw ya ai wa re ngu ai hpe mung hkap la kam sham ai wa rai nga ai. Daini na mungga hta e, Ngai gaw bai hkrung rawt ai wa re. Ngai hpe kam sham ai wa gaw si mat tim mung, a sak hkrung nga na re nga nna Madu Yesu tsun da nga ai.

Ndai mungkan hta sak hkrung nga ai anhte ni yawng a matu, jaw dik ai lam gaw, si hkrung si htan lam nan re. Shinggyim masha shagu gaw, shangai wa ai majaw, asak hkrung ai ngu ai hpe lu la ai zawn, hpang jahtum e gaw, si ai hpe teng sha hkrum ra ai ni re. Raitim mung Madu Yesu a ga sadi hte maren, jahtum chyalai asak hpe gaw, Madu Karai chyu sha jaw ya lu ai re hpe, kam sham ra ga ai. Dai re ai majaw, San Matha a sung la ai makam masham myit masin hpe, anhte ni yawng gaw tut nawng kasi la let, asak Madu Hkristu jaw ya na rai nga ai, hkrung rawt wa ai lam hpe mung, anhte nang ngai yawng, kam shut shara n nga, hkap la kam sham nga ga law.