Daini na Ja Chyum Mungga hpe hti sum ru yu ai shaloi e Nat shung ai wa hpe Yesu nat hkyawt ya ai lam hpe na lu ga ai. Dai ni na madu a mungga gaw anhte yawng a matu ninggun tsi kaba langai mi nan rai nga ai. Anhte yawng hte gaw, shani shagu nat tsadan, mungkan a hkum sai shan ni hte gasat ra nga ga ai. Dai ni Madu Yesu gaw, Kapanaum mare laban shani hta, Nat shung ai masha kaw na nat hkyawt kau nga ai. Nat tsadan mung dai masha wa hpe masha law law a ga ang e shangun nna, dai wa kaw na pru mat wa ai. Lk: 4: 35 hta ka da nga ai.

Madu Yeu gaw Nat tsadan hpe hkyawt kau lu ai wa re. Karai Kasang kaw na hpung dagu hte hpring zup ai Karai rai nga ai hpe, nang kam sham nga a ni? Bai tinang a nta hte na a masin salum hta, Madu Yesu hpe Karai Kasang langai mi re ai hku nna, kam sham kam hpa sit shang nga ai kun? Nat tsadan pyi Madu Yesu hpe, Karai Kasang a san seng san pra ai wa re ngu nna, tsun ndau nga sai re. Dai lam hpe dai ni na mungga hta, tsun dan da nga ai. Dai majaw anhte yawng a prat hta e, Nat tsadan a mahkam kaw na lawt lu hkra gaw Madu Yesu kaw sit shang kam hpa yang chyu sha awng dang lu na rai nga ga ai hpe n mai malap kau nga ga ai.