Daini na Ja Chyum Mungga hpe hti sum ru yu ai shaloi e, mat mat ai Sagu kasha a ga shadawn hte mat mat ai gumhpraw dengga lap mi a lam hpe na lu ga ai. Dai ni na kabu gara shiga hta e, mat mat ai Sagu kasha hte seng nna, chyum laika ka ai sara ni a ningmu mali hpe hpaw tsun da nga ai. Dai gaw no.1 hta e Sagu ni gaw hka aw ra hkran na tsit tsawm la ai tsing du pa layang hpe yu htang kaba nna, sa du ma ai. No.2 hta e Madu a prat hta e, yaw shada da ai lam n nga ai. No.3 hta Sagu rem ai wa a ga hpe ningle ma ai. Hpang jahtum e, Sagu rem wa hte arau pawng hpawm mayu ai myit n nga ai.

Ndai lam ni a majaw, mat mat ai mung rai nga ai re. Dai zawn sha anhte ni mung ya aten hta ladat amyu myu hku ndau shabra ai hpe sha yu htang kaba nna, daini a hpang de hkan nang mat wa ai ni law chye nga ga ai. Madu a prat hta jet ai myit yaw sing da ai lam n nga ma ai. Bai kanu kawa myitsu ni, nawku hpung a tara lam sharin shaga ai lam ni hpe gaw n hkan sa rai nna, tinang a kanu kawa myitsu ni hte hku hku hkau hkau rai nga sa ai lam mung n nga. Dai zawn re ai aten ni hta, matut hkawm sa na lam n mu wa chye nga ai. Dai majaw shiga madat nu wa ni e, anhte tinang a hkum hpe atsawm sha sumru dinglik yu ga. Madu gaw kaja ai Sagu re kun? Mat mat taw nga ai, lam dam taw nga ai Sagu re kun? Bai kaja ai Sagu hpung kaw na pru mat mat ai wa re kun? Ngu ai lam ni hpe sumru dinglik yu nna, kaja ai Sagu tai nga lu hkra shakut sa ga law.