Daini na Ja Chyum Mungga hpe hti sumru yu ai shaloi e, n kang ka ai kunhting wa a ga shadawn hpe na la lu ga ai. Dai ni na kabu gara shiga hta e, tengman ai kunhting wa hte, n teng man ai kunghting yan a lam hpe mung chye la lu ai. Jet ai htani htana a grin nga ai kunhting wa gaw, Madu Yesu rai nga ai. (Phi 3:8) hta ngai a Madu Yesu hpe chye lu ai gaw, kaga hpa hte mung shingdaw n lu ai kunhting wa re ai ngu Kasa Paulu gaw, shi a laika hta ka madun da nga ai.  N kang ka ai kunhtin gaw, ndai mungkan a rung arai ni hta chyu sha myit dun nga chye ai.

Madu Yesu a wudang hpe ning hkap ai ni mung rai nga ma ai. Dai masha ni a hpang jahtum na lam gaw, hten za na lam sha rai nga ai. Dai masha ni a Karai Kasang gaw, shanhte ni a lu sha hpa chyu sha rai nga ai. Anhte ni a matu kanu a nta gaw, sumsing mungdan re ai majaw, Madu Yesu hta sha tut nawng e ngang ngang kang kang grin nga na matu anhte yawng hpe kalang mi bai shadum ninggun jaw ya ai re. Dai re majaw Madu Karai a kasha ni anhte yawng gaw, shi a hpang de ni htep ai hte nga sa na ra ahkyak nga ga ai.