Sak Prat A, Tatut Lam Yan Hpe Sawn Dinglik Yu Ai Lam
Sak prat hta, rawt jat galu kaba mayu ai ni yawng gaw, tinang a tatut mabyin masa hpe sawn dinglik yu na ra kadawn nga ga ai re, dai rai yang she, htawm hpang hta gara hku matut hkawm san a ngu ai daw hpe daw dan jahkrat lu na rai nga ga ai.
Anhte ni gaw gara lam yan ni hpe manu shadan nga ai kun?, gara lam ni hpe ra kadawn nga ai kun?, gara lam yan ni hpe ma-ep da ra na kun?, gara lam yan ni hpe koi gam ra na kun? Ngu ai zawn re ni hpe gaw chye tawn da na ra nga ga ai, dai rai yang she, anhte ni a matu kaja wa ra kadawn ai lata sa wa ai lam ni byin nga na rai nga ai, shinggyim masha langai gaw, tinang a sak prat tatut mabyin masa hpe sawn dinglik yu ai shaloi madu sak hkrung hkawm sa ai makau grupyin masa hpe tsawm hkrak chye tawn da na mung ndai shara kaw ra nga ai lm matut tsun dan mayu ai sak prat hta, rawt jat galu kaba mayu ai, shakut mayu ai myit rawng ai ni hte sha rau nga taw nga ai kun? Dai nre sha tatut sak prat hta myit dik nga ai ni hte rau nga nga taw ai kun? Dai lam ni hpe myit sawn na mung ra ahkyak ai kaw lawm nga ga ai re.
Bai sak prat hta awng dang mayu ai shagu gaw, tinang a myit sawn ai hkrang ni hpe mung dinglik yu ra nga ai, makau grupyin kaja kaw nga nna, myit sawn lam ni gaw pat taw nga yang ra kadawn ai hkrun lam de du lu na nrai nga ai, aten ladaw hte hkrak rawt jat taw nga ai dai ni na anthe a mungkan hta, myit sawn ai lam ni gaw, nnan nnan rai nga nna, laga masha wa ni hta, nhpang hkrat ai sha masha yanwg a shawng kaw du taw ra na mung ra nga ai dai hta shawng de du taw nga ai shagu hta, lai wa sai mabyin ni hpe bai sawn dinglik yu chye ai lam ni nga nga ai lai wa sai mabyin ni ngu ai gaw tinang a tatut mabyin masa lam ni hpe hkrang shapraw ya nga ai lam yan langai mi mung rai nga ai, tatut ska prat hta gara hku npri nem lai wa sia lam ni gaw lai mat sai ten ni hta hpa ni gawng kya mat wa ai kun ngu ai hpe bai shadum ya nga ai lam mung rai nga ai
Anhte nang ngai shagu hta gawng kya ai lam, ningtawn ai lam ni ngu nga nga ga ai, tinang a ningtawn ai lam gaw, awng dang ai lam yan a lakang ni rai nna, tinang a gawng kya ai lam ni gaw awng dang ai lam a matu pat hkum ai lam ni rai nga ai, dai majaw madu a ningtawn ai lam yang aw hpa rai , gawng kya ai lam ni gaw hpa rai ngu ai hpe chye tawn na matu, madu hkum madu sawn dinglik yu ra na ra nga ga ai, dai rai yang sha, tinang galaw mayu ai, byin mayu ai lam ni hte bung nga ai kun ngu mai masa hpe chye wa lu na mung rai nga ga ai.Hpang langai gaw madu hta, awng dang ai lam hpe ra sharawng ai yaw shada lam mung kaja wa nan nga taw nga sai kun ngu hpe madu hkum madu bai san yu na ra nga ai, ban dung nnga ai wag aw yak na re, madung lam nnga aw de du ndai de du mat nna, kaja wa ra sharawng ai pan dung hte tsan gang nga mat chye ga ai
Dai majaw masha langai gaw kaba la ai awng dang ai lam ni hpe madu da ai lam mung kaba la ai yaw shada ai lam ni nga ai majaw sha rai nga ai, shi ga madat nga ai ramma ni hku nna mung madu hkum nan gaw rawt jat awng dang mayu ai sak prat hpe lu madu mayu ai nga yang, tinang a sak prat a tatut mabyin masa lam ni hpe jep yu ra nga ai dai zawn sawn dinglik jep yu yang sha tinang a n gun lu nga ai galaw lu ai atsam ni hpe jai lang lu let, gawng kya lam ni hpe sharai lu nna, grau grau kaja ai sak prat hpe lu madu wa lu na rai nga ai.
