Kasa Mahte, Marku hte Luka ni ka da ai kabu gara shiga laika masum hta e Madu Karai Kasang a kyu hpyi ai lam (11) lang ka da nga ai hpe chye lu ai. Daini mung kasa ni hpe n lata shi ai shawng shana tup akyu hpyi ai. Madu Yesu shi Karai Kasang raitim, magam bungli galaw na shawng e galoi e mung, akyu hpyi n na galaw law rai nga ai. Dai ram re ai kaw na pyi sadi run ai masha naw lawm taw nga ai re. Shinggyim masha hpan amyu myu, lai kyang hkum sumhpa law la nga ai.
(Mt 13:24-30) hta dai tsing ni hpe n baw kau ai sha, Mam shu la ai ten du hkra myit galu kaba ai hte, hkam sharang ala ya ai. Kahtawlik sasana hta e, San pra ni hte chyu sha hpaw ninghtan da ai Wuhpung n re. Bai langai mi gaw, Karai Kasang shaga lata da ai Kasa ni hpe tara hkaw tsun na matu, machyi masha ni hpe tsi lajang na matu, Nat tsadan hpe gawt shapraw na matu, Madu Karai Kasang gaw ta tut galang ta madi madun dan nga ai. Dai gaw shi sumsing mungdan de garai n lung wa shi yang, mungkan shara shagu de du sa nna, kabu gara shiga hkaw tsun mu nga nna Madu Karai Kasang jaw ai lit magam hpe gun hpai lu na matu kyu hpyi let lajang shajin sa wa ga law.
