Daini na Ja Chyum Mungga hpe hti sumru yu ai shaloi e, Sagurem ni Ma Yesu hpe sa nawku ma ai lam na la lu ga ai. Daini gaw, shaning ningnan shani rai nga ai majaw, madu Karai a shaman chyeju hkam la let, mungkan a simsa ai ninghtoi shani hta ngwi pyaw simsa ai chyeju hkam la lu u ga. Daini e prat ningnan gaw gap lu na matu, nawku hpung gaw Karai a Kanu Chyoi pra ai Maria a poi shani hpe hkik hkam ai hku galaw nga ai rai nga ai. Nu Maria gaw anhte a myit mada shara nan rai nga ai.

Hpa majaw nga yang e, masha atai, Karai atai ngu lahkawng madu da ai kasha Yesu hpe anhte mungkan ga a matu shangai chying hkai ya ai hta sha n-ga, Karai Kasang a ntsa tawn da ai shi a makam masham hte seng nga ai. Dai makam masham a mung sung ga sung ni hpe shi a myit masin hta myit da ting let sumru dinglik yu ai lam ni gaw, Madu Karai a kanu anhte mungkan masha ni yawng a kanu mung re ai Maria hpe kasi kamang yu la let, Madu Karai Kasang a hkye hkrang la ai labau hta, Nu Maria hte rau tinang a dangdi dang dep ai magam lam ni hta, anhte yawng shang lawm shang lawm ap nawng sa ga law.