Power gaw n hkru n kaja ai hte absolute power gaw tsep kawp n hkru n kaja ai ngu ai ga si langai mi nga ai.
Yesu a aten hta Hparishe ni gaw uphkang ai hpung rai nna shanhte gaw grai n’gun ja ai raitim shanhte mung n’gun yawm mat na hpe hkrit tsang nga ma ai. Ahkaw ahkang sum mat na hpe hpa majaw hkrit ma ai kun? Shanhte a ginra hta shanhte a ahkaw ahkang sum mat na hpe hkrit ai majaw re.
Shaning law law uphkang ai hpang n-gun ja ai Hparishe ni gaw Yesu a n-gun ja ai hte atsam rawng ai shinggyim masha a majaw akajawng sha jahkrit shama hkrum nga ma ai. Dai majaw shanhte gaw Yesu hpe sat na matu maw mawn ai lam hta shanhte hta nga ai atsam yawng hte galaw nga ma ai.
Raitim, Hparishe ni gaw ahkang aya sum mat na hpe hpa majaw hkrit ma ai kun? Shanhte a makoi magap da ai lam law law hpe masha ni mu na hpe hkrit ma ai. Dai majaw shanhte gaw Yesu hpe sat na matu maw mawn ai gaw, hpang jahtum shanhte hpe jahkrat kau nna, dan dawng shangun na wa hpe Yesu hta mu ai majaw re.
Ndai kaw anhte hpa sharin la lu ai kun? 1. Kaja ai lam galaw ai wa hpe jahkrit shama ai lam n galaw ging ai, jahkrit shama na malai dai kaja ai lam galaw ai wa hpe garum shingtau ra ai. 2. Anhte a lata ni gaw galoi mung san seng nna yubak mara amyu myu kaw na lawt lu ra ai n rai yang hpang jahtum anhte hpe dan dawng shangun na aten du wa na re. 3. Tinang a n hkru n kaja ai hte tinggyeng myit rawng ai agenda a matu, tinang a htingbu wa hpe n mai jai lang, n mai hkalem ai.
