Lai wa sai March 25 ya shani kaw nna, April 24 ya shani du hkra Shata mi laman hta Myitkyina KMSS bawngring magam dap kaw nna, woi awn let (ECCD) ma shalet Sara Num  ni a, ning ja jat sharin hpawng hpe galaw la lu sai rai nga ai.Ndai shagrau jawng yu lamang hpe, 24 April, 2026 ( 3:00 ) PM aten, Myitkyina Awng Nan, San Columban La Bawda Jawng wang hta, Ginwang Up Wajau  Dr.Peter Hka Awng Tu shang lawm let, KMSS – Director Wajau Paul Zau Sham woi awn nna, Wajau ni, Mama ni, Sharin Sara ni shang lawm nna, galaw la lu sai rai nga ai.

N dai sharin hpawng yu lamang hta Chancellor Fr. Paul Lum Dau  kaw nna, n-gun jaw ga hte chyeju dum mungga hpe tsun lai wa sai. Sara U Than Aung (Shinggyim bungli gawn hkang wuhpung magam dap hkringmang daju ) kaw nna mung, ma ni hpe gayet a dip arip sharin ai ladat hpe n galaw na matu ja ja tsun shadum ya lai wa sai.

N dai sharin hpawng hta St. Michael , Shatapru, Shadau, Wai Maw, N-jang Yang, Namti, Mogawng, Monying, Kamaing, Lawng Hkang, Hpakan, Danai, Tanghpre, Shingbwi Yang, Sumpra Bum, Chihpwi, Nam San Yang, Pang Sau, Zangyaw, Putau, Kata, A Lam Jau Ginwang ni, yawng rai yang Jau Ginwang (22) kaw na Sara Num ni marai (50) sa du sharin let, jawng yu lakmat shagrau ya sai mung rai ng ai.ECCD ladat hte hpaji jaw ai gamung lanya lamang, a tsam madun ai lam ni  hpe mung hkrang shala lai wa ai rai nga ai, dai hpang, KMSS- Director Fr. Paul Zau Sham kaw nna, tinang a shara hta sharing la sai hpaji hpe, ta tut ap nawng sa wa na matu n-gun jaw shatsam mungga tsun let lamang hpe a ngwi a pyaw galaw la lu sai rai nga ai.

#RVA_KACHIN

#Local_News