PLN Jau Ginwang hta shanu nga ai nawku hpung masha ni marai ( 317 ) gaw 02 May 2026 ya jahpawt, PLN St. Joseph Nawku Htingnu kaw Wa Saradaw John Mung Ngawn La Sam a lata hta N’gun Shaja Scramento hpe hkam la nna Hkristu a hpyen ma majing ni tai wa sai.
Missa Hkungga hta Wa Saradaw John Mung Ngawn La Sam hte rau PLN ginwang up Wa Jau Dr. Yawhan Naw Tawng, ningtau Wa Jau Francis Jangma Awng Li, Faith Formation hte St. Luke College lit hkam Wa Jau Dr. Bernard Dashi Tang Ji ni shang lawm nawng jau ya ai.
N’gun Shaja jaw ai Missa Hkungga hta Wa Saradaw tsun n’gun jaw ai mungga;
Daini N’gun Shaja Scramento gaw Chyoi Pra Ai Wenyi a chyeju hpe hkam la ai. Chyoi Pra Ai Wenyi a chyeju n’gun atsam hte kaja ai hpe galaw gwi wa ai. Chyoi Pra Ai Wenyi a chyeju hpring wa nna Mungkan ga a nhtoi tai ga. Mungkan ga hpe ngwi pyaw simsa ai de lam woi lu ai chyeju nanhte lu la na re.
Anhte chye ai, anhte dangdi ai kachyi sha raitim Karai Kasang hpe kam sham ai myit hte dai kachyi sha hpe kangka hkra galaw u. Shaman chyeju law law asi si wa na ra ai.
“Nanhte Nye a mying gang nna hpyi mahpyi nye Wa jaw ya na re” nga nna Madu Yesu tsun ai, dai hpe kam ga.
Grau nna ndai shata gaw Rosary shata re. Nu Maria hpe shagrau sha-a ai hte ra nga ai shaman chyeju Nu Maria kaw na hpyi la ai shata re. Dai re majaw Nu Maria hpe kam hpa let Kasha Karai Kasang, Kawa Karai Kasang kaw na ra ai shaman chyeju ni hpe hpyi la nga ga.
PLN Jau Ginwang hta Sara Gaiwang ( 13 ) nga ai rai nna jau ginwang hpaw hpang ai ( 5 ) ning sha naw rai nga ai. Ndai ( 5 ) ning laman lai wa sai 2023 ning February shata hta mung Shwezet Mare na Yesu A Salum Ningsang Nawku Htingnu hta hpung masha ni marai ( 245 ) tup Wa Saradaw Kaba Cardinal Charles Bo a lata hta N’gun Shaja Scramento hpe hkam lai wa sai rai nga ai.
PLN Jau Ginwang hta Sara Gaiwang ( 13 ) nga ai rai nna jau ginwang hpaw hpang ai ( 5 ) ning laman lai wa sai 2023 ning February shata hta mung Shwezet Mare na Yesu A Salum Ningsang Nawku Htingnu hta marai ( 245 ) gaw Wa Saradaw Kaba Cardinal Charles Bo a lata hta N’gun Shaja Chyeju Kumla hpe hkam lai wa sai rai nga ai.
