Anhte a ginwang de hkring sa na matu sa ai shaloi, jinghku jingyu ni hte galoi mung bai hkrum zup ai. Ngai a hkrang nsam hte nsen a majaw, nye wa hpe shadum ya ai ngu shanhte galoi mung tsun ma ai re. Ngai mung galoi chyeju dum ai hte mani sumsai hte bai htan ya ai.
Kabu gara shiga hta Hpilip gaw Yesu hpe “Sara e, Wa hpe anhte hpe madun dan mi, dai gaw anhte a matu ram na re” nga nna tsun ai. Yesu gaw, Hpilip e, ngai nanhte hte nde nlaw na hkra nga nga ti mung, nang ngai hpe n chye n ni?, ngai hpe mu yu ai wa gaw, Wa hpe mu yu nu ai (Yawhan 14:9)” ngu nna shi hpe tsun wu ai. Dai shinggyim masha lahkawng (sh) Trinity hpe Yesu, shi hte Kawa Karai Kasang gaw hpaw shadan dan nna shanhte gaw marai langai zawn galaw nga ai. Yesu gaw ngai hpe kam sham ai wa kadai mung ngai galaw ai amu hpe galaw na re ngu matut tsun ai (Yawhan 14:12).
Hkristu a hpang hkan ai ni re ngu tsun ai shaloi anhte hta lit kaba nga ai, hpa majaw nga yang Yesu hpe anhte kam sham ai ni rai yang shi galaw ai magam bungli ni hpe galaw ra ai ngu tsun ai ga shadawn tsun ga nga yang shi a hpang hkan ai ni re ngu tsun yang shi hpe kasi la ra ai.
Anhte gaw Yesu a tengman ai hkan nang hkan sa ai ni rai yang Shi a magam bungli ni hpe galaw ai hta lai nna kaga lam n nga ai, anhte gaw Shi hte grau ni htep wa na re. Bai nna kaga masha ni anhte hpe mu ai shaloi shanhte gaw Yesu hpe mu ai hte bung ra na re.
