Daini na Ja Chyum Mungga hpe hti sum ru yu ai shaloi e, re ai hpe re ai, N re ai hpe “n re ai” ngu mu nga na, shadum ai ga hpe na chye lu ga ai. Ndai chyum mungga daw hta Yesu gaw, tsawra matsan dum lam hte shagrit shanem lam ni a shingkang shingwang hpe dum shai let, matai htang na malai, n kaja ai lam hpe tsawra shawang myit hte daw jau chye na lam ni hpe mung sharin ya nga ai. Kalang lang yak hkak ai mabyin lam ni hkrum nga tim pi, matsan dum ai, wang lu wanglang re ai myit jasat  ahkyak re ai lam ni hpe madung da chye na lam mung anhte hpe sharin matsun da ya sai.

Anhte shani shagu sak hkrung ten hta, mara raw ya chye ai ladat hpe galaw shaman sa nna, ruyak shoi hpa lam ni hpe Karai Kasang kaw na chyeju atsam hte, ninghkap lu na matu anhte hpe sadi jaw da nga ai. Pawt sin dawng ai (sh) myit hkra machyi ai lam ni hte, hkrum katut wa ai shaloi e matsan dum lama chye ai myit hte bai htang lu na lam hpe lata hkan sa mai ai. Bai anhte hpe shut hpyit ai ni hpe anhte dai kaga masha ni hpe gara hku ap nawng ya lu na ngu ai hpe tinang hkum nan mung ga san san yu mai nga ai. Shingrai Nu Wa ni, anhte a tsun shaga ai hte, lai kyang ni hpe tsawra myit madun lu hkra mung shakut sa ga. Dai zawn galaw sa ai a marang e, anhte mung ndai mungkan hta nga ai Madu Yesu a tsawra myit hpe shadan shadawng lu ai re.