Daini na Ja Chyum Mungga hpe hti sum ru yu ai shaloi e, Madu Yesu gaw kaja ai nli tum hpe gat hkai ai lam hpe anhte na chye lu ga ai. Dai ni na mungga hta e Madu Yesu gaw, tsing du a lam ga shadawn hpe tsun san lang dan ai mabyin anhte ni sumru yu ga. Anhte sak hkrung nga pra sa ai ndai mungkan pinra hta, kaja ai hte n kaja ai lam ni gaw, arau sha nga taw nga ai zawn, kaja ai masha hte n hkru n kaja, myit dingman ai the myit n san seng ai ni nga nga ai hpe gaw masha shagu hkap la ga ai re. Dai hte maren sha, mai kaja ai lam ni hpe jahten sharun na matu hpyen ngu ai Nat tsadan ni gaw tut e nga nga ai. Dai hpe dum ra ga ai.

Dai ni na mungga hta e mung, tsing du ni (sh) dai a nli ni hpe gat shatut ya ai hpyen gaw, Nat tsadan re ai ngu ai hpe anhte a san sha mu mada lu ga ai. Raitim mung anhte marai hkum shagu gaw myit n daw ai sha, myit mada kam hpa ai hte asak hkrung nga nna, mai kaja ai lam ni hta galaw shakut sa let, myit masin hpraw tsawm ai hte sak hkrung nga sa chye na matu shakut sa ra ga ai. Shingrai yang hpang jahtum na shani hta e, dinghpring dingman ai ni gaw, anhte a Kawa Karai Kasang a mungdan hta e, Jan zawn htoi tu nga na re ngu ai Madu Yesu a mungga hpe hkan sa sahtup ninggun la let, anhte yawng shani shagu hkan sa shakut nga ga law.