Daini na Ja Chyum Mungga hpe hti sumru yu ai shaloi e, Karai Kasang a marang e hkye hkrang la ai hkrum lu na matu shangun dat ai lam na lu ga ai. Dai ni gaw Nawku hpung hku nna, Mungkan ting hta e, Wudang a awng padang poi hpe anhte ni galaw nga ga ai. Madu Yesu shi hkum nan Udang hpai nna, mungkan ga hpe awng padang lu ai zawn, anhte yawng hte mung tinang a udang hpe myit galu kaba hkam sharang let hpai nna, tinang a prat hta chyeju ni hpe hkam la nga ga. Madu Yesu a  Udang gaw si ai hte nat tsadan hpe awng dang kau lu nga ai.

Bai Nhkru n kaja ai lam mahkra hpe awng dang lu ai. Masha n kau mi udang hpai na matu, Udang gali na matu, tinang a nta wang hta udang shakap tawn da na pyi hkrit nga ai. Gaya ma ai. Udang a atsam hpung dagu hpe chye ai ni gaw, dai udang hpe bum ntsa kaw tawn da na, bai mare kahtawng a shang wa ai, pru wa ai shara ni hta udang hpe shaman nna, jun da ai lam galaw ma ai. Dai zawn jun da ai lam gaw, shanhte a mare hpe hkrit tsang hpa hpyen amyu myu kaw na mare ting hpe makawp maga ya ai hpe hkam lu ai majaw rai nga ai. Dai masha ni gaw, udang atsam hpung dagu hpe hkam sha yu sai mahkrum madup nga ai ni gaw, dai udang a shaman chyeju hpe chye ai majaw rai nga ai.